Hemşaredarê Şaredarîya Bajarê Girdî yê Amedî Adnan Selçuk Mizrakli xebatanê Midurîyê Kargerî yê Otobûsan a Serekîya Dayreyê Resayîşî sehna û îzeh kerd kê gere şoforanê wesayîtên pêro tekilîyê şarî rê henî baldar bibo.

Hemşaredarê Şaredarîya Bajarê Girdî yê Amedî Adnan Selçuk mizrakli wekinitişê warên xebate yê Şaredarîya Girdî domneno.Mizrakli Midurîyê Kargerî yê Otobûsan a Serekîya Dayreyê Resayîşî de hemwelatîyon ra ameyî têhet.Mizrakli 1ê Gulane xebatkaran pîroz kerd.Mizrakli derheqê omarên wesayîtan û wesayîtê xurde de personelanê berpirsîyar ra zanayîş girewt û wesayîtên kê mîyanneteweyî bajarî de yeno şuxulnayîş zı wekinit.Mizrakli sewbînan derheqê kamjı wesayît kotî de xizmet danê zı zanayîş girewt.Mizrakli îzeh kerd kê semedo kê wendekaranê Unîversîte ya Dîcle mexdur nêbî wesayîtên kê mîyanê unîversîte de bê pere xizmet danê bêrê zedînayîş.

Ma do şoforan rê perwerde yê kontrolkerdîşê hersî û tekilîyên şarî biderê

Mizrakli bal ont kê gere şoforanê wesayîtên pêro tekilîyê şarî de henî baldar bibo.Mizrakli waşt kê şoforanê wesayîtan rê perwerdeyên kontrolkerdîşê hersî û tekiliyên şarî bideme.Mizrakli îzeh kerd kê personelanê kê şarî ra xebitiyenî gere henî ziwan weş bibo û cilanê xo ra zı sey ziwane xo baldar bibo.

Mizrakli,warê xurdeyan wekinit

Mizrakli sehnayîşê Serekîya Dayreyê Resayîşî qedînay û bado warê xurdeyan a qezayê Yenîşehre sehna.Mizrakli derheqê xebatan de zanayîş girewt û temom bîyayîşê qemasîyan waşt.Mizrakli îzeh kerd kê gere lastîgên otoyî yê warê xurdayî bêrê pakkerdiş û semedê açarnayîşî Atolya yê Hunerê ya Serekîya Dayreyê Park û Baxçeyan de bêrê pêser kerdiş.