Hemşaredarê Şaredarîya Bajarê Girdî yê Amedî Adnan Selçuk Mizrakli,Serekîya Dayîreyê Ciewnîyayîş û Binawanîya Rayîrî,Serekîya Dayîrêyê Karên Weşî û Serekîya Dayîreyê Îtfaîye de xebatan sehna û sewbînan Tesîsê Sefênayîşê Awa Eşte ya DÎSKÎ yî zî zîyaret kerd.

Hemşaredarê Şaredarîya Bajarê Girdî yê Amedî Adnan Selçuk Mizrakli wekinitişê warên xebate ya şaredarîyê domneno.Hemşaredar Mizrakli û endamên meclîsê Serekîya Dayîreyê Viraştiş û Ciewnîyayîş Rayîran û Koordînasyonê Binawanîyê ,Karên Weşî Serekîya Dayîreyê Îtfaîye û Tesîsê Sefênayîşê Awa Eşte ya DÎSKÎ yî zîyaret kerd û derheqê xebatan di karbidestan zanayîş girewt.

Hemşaredar Mizrakli ser sibayî saetêko rew di xebatê xeta Berêmerdîn-Pirda Kebe yî ya kê Serekîya Dayîreyê Viraştiş û Ciewnîyayîş Rayîran û Koordînasyonê Binawanîyê virazenê sehna û karkeran ra ameyî têhet.Mizrakli karkeran ra mudeyêk suhbet kerd û bal ont giringîYê ina xebatî û badê xebatkaran rê asanîyê waşt.Badê Hemşaredar Mizrakli Merkezê Weşîyê ya kê qezaya Yenîşehrê taxa Şehîtlîk dero zîyaret kerd û derheqê xebatan di zanayîş girewt.Sewbînan Mizrakli cîhaz û dermananê merkezê wekinit.

Seba îtfaîyê her sanîye giringo

Hwemşaredar mizrakli sehnayîşê Merkezê Weşîyê ra dima Grûba Peyasê ya Serekîya Dayîreyê Îtfaîyê zîyaret kerd û xebatkaran ra ameyî têhet.Mizrakli derheqê xebat û wesayîtên îtfaîyê de zanayîş girewt û îzeh kerd kê semedê îtfaîyê yew sanîye zî zaf giringo.Mizrakli badê Warê Sera û Leyekî ya kê Şaredarîya Peyasê ra giredayîye zÎyaret kerd û derheqê vilikanê demserrî û daranê kê yeno resayiş de zanayîş girewt.

Tesîsê Sefênayîşê Awe Eşte wekinit

Mizrakli pêynîyê de Tesîsê Sefênayîşê Awe Eşte ya DÎSKÎ yê sehna.Midûrê Pêroyî ya DÎSKÎ yê Zekî Kantarci û personelan şînî verê Hemşaredar Mizrakliyî.Mizrakli heme warên tesîsê wekinit û derheqê xebatan di zanayîş girewt.