Hemserekê Şaredarîya Bajarê Girdî yê Amedî Adnan Selçuk mizrakli Hemşaredarên Sûr,Peays û Yenîşehrê zîyaret kerd û derheqê xebatanê şaredarîya de pêvînayiş kerdê.

Hemserekê Şaredarîya Bajarê Girdî yê Amedî Adnan Selçuk Mizrakli,zîyaretê dezgeyanê sîvîlan,partîyan meqema xo di qebûl kerd û ewro zı ey Hemşaredarên Sûr,Peyas û Yenîşehrê zîyaret kerd û îzeh kerd kê xebatanê bajarî pê muşterekî bêrê viraştene.

Mizrakli esnaf û hemwelatîyon ra ameyî têhet

Hemşaredar Mizrakli zîyaretê Şaredarîya Sûrê rê bê wesayît bi meşîyayîş şî û esnafanê kê rayîran sero ra ameyî têhet.Hemwelatîyon Mizrakliyî pîroz kerdê û serkewtîŞê ey waşt.Hemwelatîyon pê Mizrakliyî temsîlê şarî ra ver keyfweşîyên xo ardî ziwanê xo ser.

Hemşaredar Mizrakli Bûroya Şewrê Turîzmî ya ser rayîra Warê Şêx Seîdî de ca gêne zîyaret kerd û serkewtîşê personelan waşt û derheqê xebatan di zanayîş girewt.

Pê turîzmî ekonomîyê ma xêz bibo

Endamên Meclîsî verê bere Şaredarîya Sûrê di şî verê Mizrakliyî û.Hemşaredarên Sûrê Fılız Buluttekın û Cemal Ozdemır zîyaretê Mizrakliyî ra ver keyfweşÎyê xo ardî ziwanê xo ser.Pêvînayiş de endamên meclîsî zı estbî û semedê kê turîzmê bajarê ma henî averşêrê sero qalîkerd.Mizrakli aşkera kerd kê bajarê ma turîzm ra ver mintiqayêko zaf dewlemend o û pê zêde bîyayîşê turîzmî ekonomî zı henî rind bibo.

Mizrakli zîyaretê Şaredarîya Sûrê qedênay û badê Şaredarîya Peyasê de Hemşaredara Peyasê Kezîban Yilmaz ra ameyî têhet.Yilmaz meymanîyê Mizrakliyî ra ver keyfweşîyê xo ard ziwane xo ser û îzeh kerd kê pê piştgirîyan heme persiv çareser beno.Mizrakli zı îzeh kerd kê qayûman xeylê çîyan texrîb kerdê û ma zı o semed xeylê xidarîyan ancena la ma zananê kê bi poştîpêdayîşî her çi çareser beno.Mizrakli îzeh kerd kê dema kayûman de xeylê kitabanê kê semed sero Amed nûsîyayê ameyê vînd kerdene.Pêvînayîşan ra dima Mizrakli,Yilmaz ra pîya Şaredarîya Peyasê ya kê temom bî gêra û personelan ra ameyî têhet.

Hemşaredar Mizrakli badê Şaredarîya Yenîşehrê zîyaret kerd.Hemşaredara Yenîşehrê Belgın Dıken û Endamên Meclîsî şî verê Mizrakliyî.Hemşaredar Mizrakli îzeh kerd kê gere ma henî xuliqnayox bibeme.Ma gere semedê averşîyayîşê bajarê xo xebatan ra bê mîyan dewom bikeme.