Serekîya Dayîreyê Xizmetanê Keye û Cinîyan yê Şaredarîya Bajarê Girdî ya Dîyarbekirî qepsema 25ê Citmenge Roja Têkoşînê Şîdetê Serê Cinîyan ya Mîyanneteweyî de panelê “Keyeyê keyfweş, komelê keyfweş, sibarojê keyfweş” serrast kerd.Panel bi tewrê Walî û Serekwekîlê Şaredarîya Bajarê Girdî ya Dîyarbekirî Hasan basri Guzeloglu, cinîya ey Ayşe Guzelogluye virazîya.

Serekîya Dayîreyê Xizmetanê Keye û Cinîyan yê Şaredarîya Bajarê Girdî ya Dîyarbekirî qepsema 25ê Citmenge Roja Têkoşînê Şîdetê Serê Cinîyan ya Mîyanneteweyî de panelê “Keyeyê keyfweş, komelê keyfweş, sibarojê keyfweş” serrast kerd.Panel Merkezê Kultur û Kongre ya Şaredarî de serrast bî û panel rê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu, cinîya ey Ayşe Guzeloglu, Parlementerê AK Partîyê Ebubekir Bal, Şaredarê Baxlarî Huseyin Beyoglu, Sekreterê Pêroyî yê Şaredarîya Bajarê Girdî ya Dîyarbekirî Muhsin Eryılmaz, Midurê Asayîşê Bajarî Şukru Yaman, Serekê MHP yê Bajarî Cihan Kayaalp, Serekê DTSOyî Mehmet Kaya, midurê lijneyan, temsîlkaranê STK’yan û cinîyan beşdar bîyî.

Şaredarî dekewtîşê panele di standêk akerd û stand de broşûranê ke derheqê 25ê Citmenge Roja Têkoşînê Şîdetê Serê Cinîyan ya Mîyanneteweyî û magnet vila kerd.

Panelê “Keyeyê keyfweş, komelê keyfweş, sibarojê keyfweş” bi vindertişê hurmetê û wendîşâ Marşê îstîqlalî dest pêkerd.

Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu, bal ont şîdetê sere cinîyan û badê wîna dewom kerd:” Bawerî û erjîyayê ma de cinî zaf bi qiymet a.Ma hem cinîyan sey sûretê heq vînenê, ma şîdetê vera cinîyan qebûl nêkenê.Ganî ma do şîdetê serê cinîyan ser o bivindarnîme.Şaredarî do bi heme îmkananê xo piştgirîyê bide heme cinîyan.”

Badê panelê “Keyeyê keyfweş, komelê keyfweş, sibarojê keyfweş”, Vaîza Bajarî Telvin Kardeşlik bi semînerê “Semedê Keyfweşîyê Keyeyê, Quranî Qerîm ra Nimuneyan”, Avukata Şaredarî Hatice Dogruiş zî bi semînerê ” Verba Şîdetê Serê Cinîyan Serrastîyê Fermî” agahî daye cinîyan.

Semîneran ra dima grûbê erbane ya SOLÇEPê bi zafziwan stranan vatî.Pêynîya çalaki de Ayşe Guzeloglu, panelist û stranvanan rê vilik teqdîm kerd.