Şaredarîya Bajarê Girdî yê Amedî qepsema çalakîyên aşma Remezanî de panela virazenê.Panelanê dîyîn a “Kulturê Qedîyayen û Tekoşîna Nefsê ra Roje” Merkezê Kultur û Kongreyî de serrast bî û Hemşaredarê Şaredarîya Bajarê Girdî yê Amedî Adnan Selçuk Mizrakli zî beşdar bî.

Şaredarîya Bajarê Girdî yê Amedî qepsema çalakîyên aşma Remezanî domneno.Panelê “Kulturê Qedîyayen û Tekoşîna Nefsê ra Roje” serrast bî û Hemşaredarê Şaredarîya Bajarê Girdî yê Amedî Adnan Selçuk Mizrakli zî beşdar bî.Qiseykerdîşê panelê medrator Emîn Ay viraşt.

“Persivê Alema Îslamî ya tewr giring fehmnêkerdîşê Qûranî yo”

Panel bi sunumê Prof.Dr.Nurettîn Turgay-Roje vêşan mendişa? ra dest pêkerd.Turgay gora fikranê mi persivê Alema Îslamî ya tewr giring fehmnêkerdîşê Qûranî yo.Ganî ma ewilî Qûranî rind fehmbikeme.Qûran 3 mesajî sero vindero;”Yem îtîqatêko pak,îbadetêko samîmî û cuyêko raşt o.”

Tikê îbadetan hetê herkeşî yeno vînayiş

Sunumê Turgayî ra dima endama Kongreyê Îslamî ya Demokratîk Guler Ozavci û Roje û Mana ya Sifreyên rîyê Erdî sero sunumêk viraşt.Turgay :”Ma aşmêko roje gênê la eke ma eke merdim waxto kê roje gênê dîyayîşê xo nêbedilno teyna roje pê gêno,manaya roje bena vêşan mendiş.Ganî ma meqsedê îbadetê xo rind bizanê.Ozavci sifreyên dewlemend rexne kerd û aşkera kerd Kê sşfreyên rîyê erdî verba sifreyên dewlemend vejîya werte û xeyle zî zêde bî.Heme şar nê sifreyan rê wayîr vejîya.”

Pêynîyê de Parlementerê RÎHA ya HDPê Nîmetullah Erdogmuş zî derheqê “Bi Roje Terbîyê Kerdişê Nefsê û Zayî “ de sunumêko viraşt.Erdogmuş giredayîyê îbadet û bedêl sero vindert û wîna va:”Eke îbadetêk est bo bedêlê ci zî esto.Wa her waxt wîna bî.Erdogmuş serranê sifteyê Îslamî ard vîr û bedêlê kê o waxt kesanê kê îbadet kenê da zanayîş û bal ont xiravina zayî sero.Erdogmuş da zanayîş kê Qûran de zî “Bişime,biwere la zayî meke” derbaz beno û ganî ma verba zayî de vinderîme.Sewbînan Erdogmuş semedê verba zayî bigênê Hemşaredar Mizrakliyî ra zî polîtîkayêko newe ya awe waşt.

Hemşaredar Mizrakli zî sunuman ra Pêy qiseykerdîşê viraşt.Mizrakli bal ont giringîya panelanê wînasî û wîna va:”Ez b0i bawerîya rojanê henî edîl,henî azad Remezanêko Xeyr wazena.”Mizrakli badê panelîstan rê vilik û plaket teqdîm kerd.