Pêdîyayîşê Aştî yê Amedî ke seba ke heme hetê aştî bêrê qiseykerdene û ameyoxêko hempar bêro awankerdene, ma virazenê, çalakiya yewine bi temaya "koç, agêrayîş û aştî" ameye viraştene.

Hemşaredare Bucak ke akerdişî de qisey kerd, dîyar kerd ke meselaya aştî bi munaqeşanê herêmkîyan yena xurtkerdene.

Hemşaredarê Şaredarîya Sûrî Adnan Orhanî dîyar kerd ke û vat ke, “Ma behsê aştî kenê, no pêdîyayîşo bi vate muhîm o” û bale ant dejanê ke 50 serran de ameyê dîyene. Orhanî wîna vat: “Koçî, qetlîamî… Hîkayeyêka her embazê ma est a. Tewr zaf ma tesîrê zilm û dejî de manenê. La ê ke tewr zaf aştî wazenê, reyna ma yê.”

Verfekê MYK û Meclîsî yê DEM Partî Murad Mihçi bi armenîkî dest bi qiseykerdişê xê kerd û dîyar ke o qiseykerdişo tewr zehmet ê cuya xo keno. Mihçîyî bale ant nedîyarîya nasnameyê Armenî ser o û wina vat: “Ma nêzannê ma Tirkîya de çend kes ê, tena dewlete zana. Vatişê ‘Dapîra mi Armenî bîye’ vatişêko zaf giran o û ganî kê tîya ra dest pêbikerê. Tarîxê dinya tarîxê koçan o.”

Kombîyayîşî ke do 7 aşmî do dewam bikerê, çalakîya yewine bi piştîdayîşê Komela Mezopotamya ya Cigêrayîş û Taqîbkerdişê Koçberîye Qonaxê Cemîl Paşayî de ame viraştene.