Şaredarîya Amedîya Şaristanê Girdî, 13ê teşrîna verêne Roja Kêmîkerdişê Rîskanê Afatan a Dinya de bi hemkarîya MEB AKUB'î wendekaranê rê bernameyê perwerdeyê teorîk û pratîkî organîze kerd.

Çalakîyan de ke Lîseya Anadoluyî ya Sezaî Karakoçî de ameyî viraştene, wendekaranê rê derheqê têwgêrayîşê rastî yê wextê erdlerzî de, tatbîqatanê tahlîyeya akerde û mudaxeleyo yewinî yê şewatan de perwerde ame dayene.

Perwerdeyo pratîk

Bi beşdarbîyayîşê Serekîya Daîreya Îtfaîye û ekîbanê AFAD'î tatbîqatê erdlerzî û pratîkê vindarnayîşê şewatî ameyî kerdene.

Standan de şar ame hişyarkerdene

Sewbîna Serekîya Daîreya Karanê Afetan Meydanê Berê Koyî û Cadeyê Gazîyan de stantî akerdî û şarî rê broşurê hişmendîya afetan vila kerdî.