Programê "Perwerdeyê Komputerî yo Bingeyin û Anîmasyonê 3Dî" ke Şaredarîya Amedî ya Şaristanê Girdî seba zêdekerdişê resayîşê cinîyan ê teknolojîyanê dîjîtalan û xurtkerdişê îmkanê îstîhdamî bêpere organîze kerd, temam bî.

Seba 35 cinîyan ke Perwerdeyê Anîmasyonê 3Dî temam kerd, Salona Konferansî ya Alî Emîrî de merasîmê dayîşê belgeyan ame organîzekerdene.

Sereka Daîreya Xizmetanê Cinî û Keyeyî Ozdene Gurbuz Sumer ke merasîmî de qisey kerd, bal ante ser o ke perwerdeyî rê eleqeyêko gird ameyo mojnayene û va ke ê zaf wazênê beşdarî bi xurtkerdişê perwerdeyê xo nê warî de sey meslekê xo dewam bikerê.

Cinîyê ke memnunîyetîya xo ya prosesê perwerdeyî îfade kerd, seba nê îmkanê ke înan rê ameyo pêşkêşkerdene, Şaredarîya Amedî ya Şaristanê Girdî rê sipas kerd.