Midûrê Pêroyî yê otelên Amedî Hemşaredarê Şaredarîya Bajarê Gird a Amedî Dr.Adnan Selçuk Mizrakliyî zîyaret kerdê û turîzmê bajarî sero pêvînayiş kerdê.

Rayedarî otelên Amedî Hemşaredarê Şaredarîya Bajarê Gird a Amedî Dr. Adnan Selçuk Mizrakliyî ra amey têhet.Têhetamayiş de Serekê DTSOyî Mehmet Kaya û Serekê DÎSÎADê Burç Baysal zî est bî û têhetamayiş meqema serektîya şaredarîyê de ame viraştene.

Serekê DTSOyî Mehmet Kaya aşkera kerd kê 10 serreyê verê ma de Amed hetê turîzmê aver şero û na aver şîyayîş zafer otelvanan rê tesîr bikero.

Amed warê turîzmê de dewlemend o

Hemşaredar Mizrakli aşkera kerd kê Amed warê turîzmê de zaf dewlemendo û dema kê ma danê verê bajaranê bînan a Tirkîyê Amed mîyanê nînan de zî hetê warên turîzmî zaf hîra yo.Hetê tarîxî zî warên tarîxî yên Amedî ser herrîyê de zî,bin herrîyê de zî bin awe de zî estê.La ganî ma semedê turîstan her waxt hadreyînêk germ de bîme.Ganî waştîşanê turîstên kê teberê bajarî ra yenê kê bigeyre û bivînê, bîyarîme ca.Na derheq de berpirsîyarîyêko gird kuweno otelvanan sero.

Bi taybetî pêvînayiş de rayîro Qale ya Zerzevanî sero qalî kerdî û heme beşdaran pêşnîyazên xo ard ziwanê xo ser.