Şaredarîya bajarê Girdî ya dîyarbekirî semedê qijanê ke emre înan 4-6 serrî de yê û bine banê şareadrî de perwerde vîennê, şayîya zebeşan serrast kerd.

Şaredarîya Girdî zebeşê Dîyarbekirî yo ke sey sembolê bajarî ma yo bide şinasnayiş û biresnê ajê binan şayîya zebeşan serrast kerd.

Serekîya Dayîreyê Xizmetanê Sosyal ya Şaredarî semedo ke Zebeşê Dîyarbekirî yo ke xeylê sanik û efsaneyan de ca gêno, qijan rê bide şinasnayiş “Şayîya Zebeşan” serrast kerd.

Şayî pê ramoşnayişê taximê bandoyî dest Pê kerd. Şayî Cuya Muşterek ya Sumerparqî de virazîya.

Qijan şayî de pê cîya-cîya musabaqayan mirda xo keyf kerdê. Serekê dayîreyê Xizmetanê Sosyal ya Şaredarî Hayrullah Akyıldız qijanê ke kewtbi derece rê xelate înan vila kerd.

Şayî hetê qijan û keyeyanê Înan raştê eleqeyêko weş ame û şayî pê îqramkerdişê zebeşan qedîya.