Şaredarîya Amedî ya Şaristanê Girdî, verê Roşanê Remezanî û demê roşanî de bi heme yewînanê xo amadekarîyê xo temam kerdî.

Ekîbê zabita, weşîye, cugeh, res û îtfaîye do seranserê roşanî de warî ra aktîf bibê; xizmetê kontrol, pakkerdiş, res û mudaxeleyo lezabez bêvindertene do dewam bikerê.

Sewbîna rotişê madeyan ê teqemenîyan yeno kontrolkerdene, berhemê ke demê xebitnayîşê peyênî vîyarto, do destûr nêro dayene.

Na çarçewa de kontrolanê rojanê peyênan de teqrîben 2 ton xidayê xirabî ke weşîya şarî tehdît kenê ameyî desteserronayene.

Seba zîyaretê roşanî yê hemwelatîyanê ma, goristanan de zî xebatê pakkerdişî, miqate û tamîrê hîrayî temam bîyî.

Ekîbê îtfaîye do demê roşanî de 7/24 wezîfe ser o bibê.