Şaredarîya Amedî ya Şaristanê Girdî seba ke şar rehetêr bireso şaraedarî tora têkilîyanê şarî hîrayêr kena.

Serekîya Daîreya Çapemenî, Weşan û Têkilîyanê Şarî, çar qezayanê merkezîyan ê Baglar, Kayapinar, Yenîşehîr û Sûrî de xebatêka neweye kena. Şaredarîya ma, seba şaredarîya beşdarîye resayîş û metodê têkilîye aver bera, tora têkilîyanê şarî hîrayêr kena.

Na çarçewa de ekîbanê ma, Taxa Baxcîlarî de sîteyan zîyaret kenê û waştişanê şarî goşdarî kenê.

Broşurê zafziwanî vila bîyî

Ekîbê ma, seba ke şar bieşko bi asanî xo biresno şaredarîye, broşuranê ke bi Tirkî, Kurmancî û Kirmanckî ameyî amadekerdene, şarî rê vila kenê û seba ke waştişê şarî bilezî bêrê cewabdayene, agahîyanê têkilîye yê îdareyê sîteyan qeyd kenê.