Şaredarîya Bajarê Girdî ya Dîyarbekirî semedo ke wa zîreto organik aver şero paştîdayîşê citkaran domneno.Bi talîmatê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî hezar citkarî rê 500 ton toxim ame vilakerdene.

Şaredarîya Bajarê Girdî ya Dîyarbekirî qepsema Projeyê Averşîyayîşê Bejayî de citkaranê 17 qezayî rê 500 ton toximê bi sertîfîkayin ame vilakerdene.Vilakerdîşê toximan Merkezê Kultur û Kongreyî ya Şaredarîya Bajarê Girdî ya Dîyarbekirî de ame viraştene.Merasîmê vilakerdişê toximan rê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu,Sekreterê Pêroyî ya Şaredarîya Girdî Muhsin Eryılmaz, Midurê Zîret û Daristanan a Dîyarbekirî Mustafa Ertan Atalar,Hetkarê Serekê Yewîya TSÜABê Yıldıray Gencer,Serekê DTBê ya Dîyarbekirî Engin Yeşil, Serekî Dayîreyê Şaredarîya Girdî, îstîhsalkerdoxê toximanê bi sertîfîkayin û citkaran beşdar bîyî.Wendîşa Marşa Îstîklalî û vindertişa hurmetê,hetê Midurê Zîret û Daristanan a Dîyarbekirî Mustafa Ertan Atalar û Hetkarê Serekê Yewîya TSÜABê Yıldıray Gencer derheqê toximê bi sertîfîkayin de qalîkerdişêk virazîya.

“Hemwelatijê tewr çîyê weş heq kenî”

Merasîm de Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî xîtabê beşdaran kerd û “Ma ewro hezar citkaranê xo rê 500 ton toximê bi sertîfîkayin vila kenî.Kar û gurê ma goşdarîya heme hemwelatijan û keyfweşîyê şima yo.Heme lijneyê dewletan na semed esta.Çimanê dewletê zî semede aye esta.Yane semedê keyfweşîyê şima esta.Ma bawer kenîme ke hemwelatijê ma tewr çîyê weş heq kenî û ma gora aye xebitiyenî.Ma heme waran di paştîdayîşê citkaranê xo domnenî.Ma xizmetê şima der î ma xizmetê şarê xo der î.Ma xizmetkarê şima yî” vat.

Qalîkerdişê Guzelogluyî ra dima Hetkarê Serekê Yewîya TSÜABê Yıldıray Gencer, Walî û Serekwekîlê Şaredarîya Bajarê Girdî ya Dîyarbekirî Hasan Basri gzuelogluyî rê plaket teqdîm kerd.WalÎ Guzelogluyî zî fîrmayanê ke îstîhsalê toximê bi sertîfîkayin kenî rê paştdayîşê înan vera plaket teqdîm kerd.

Merasîmê vilakerdişê toximê bi sertîfîkayin bi fotraf ontîşî qedîya.