Mudirîya Pêroyî yê DÎSKÎ yê Şaredarîya Dîyarbekirî yew beyanat da û va ke, deynê awe, bac, emlak û pêhesnayişî yê hemwelatîyano ke ameyo pêser yeno texsîtkerdiş. Ma wazenê wa hemwelatî nê firsendî ra îstîfade bikerê û deynanê xo bidî.

Rojnameyê Fermî ya 17ê Citmenge serra 2020 de ame aşkera kerdiş ke deynê bacî yê hemwelatîyan bêrê texsîdkerdiş û firsendêk dîya înan. Mudirîya Pêroyî yê DÎSKÎ yê Şaredarîya Dîyarbekirî yew beyanat da û va ke, deynê awe, bac, emlak û pêhesnayişî yê hemwelatîyano ke ameyo pêser yeno texsîtkerdiş.

Hemwelatî eşkenê semedê texsîdkerdişê deynanê xo hetanî 31ê Kanûne Mudirîya Ameyîyan ya Şaredarîya Girdî rê muracat bikerê. Eke hemwelatî deynanê xo bikerê texsît zamê ereybîyayîşî û faîzî înan ra nêno girewtiş.