Şaredarîya Amedî ya Şaristanê girdî, seba ke gedeyî hamnanî bieşkîyê xo biresnê sporî û paştî bida averşîyayîşê înan ê fîzîkî, zîrekî û sosyalî dibistananê sporî bêpere akena.

Serekîya Daîreya Xîzmetê Ciwan û Sporî bi sloganê “Cayo ke Spor Est o, Tede Cuye Est a.” Dibistanê Sporî yê Hamnanê 2024î akena. Amancê Dibistanan o yo ke, paştî bidê averşîyayîşê înan ê fîzîkî, zîrekî û sosyalî yê tutan. Bi taybetî zî hetê sosyo-ekonomîkî ra kesê ke birehetî nêeşkenê tutanê xo bierşawê spor û çalakîyan, seba înan dibistanî cehd kenê ke ê tutî banderê sporî bibê.

8 Beşan de Kursî Yenê Dayene

Gedeyê ke mabênê serranê 7-14î de yê, şênê xo dibistanan de qeyd bikê. Kursê aswane, basketbol, voleybol, karete, tenîs, tenîsê masa, futbol û karê zîrekî û aqilî est ê. Gedeyî wexto ke beşê xo biweçînê, do kar-mrlê înan zî şaredarî bida.

Muracat 10 hezîrane de dest pêkeno

10ê hezîrane 2024 roja Dişemeyî qeydî dest pêkenê û 24ê hezîrabe roja dişemeyî zî do biqedîyê. Kesê ke wazenê qeydê bikê cayê qeydan wina yo:Sumerpark, Kompleksê Sporî yê Talaytepe, Hawiza Akerdî ya Seyrantepe, Kortê Tenîsî yê 75î.

1ê temmuze 2024î de kursî do dest pêbikê , 13ê êlule de qedênê.

Kursî do nê cayan de bêrê dayene: Sumerpark, Kompleksê Sporî yê Talaytepe, Hawiza Akerdî ya Seyrantepe, Kortê Tenîsî yê 75î, Parkorman û Sahaya Futbolî ya Seyrantepe.