Hemşaredarê Şaredarîya Bajarê Gird a Amedî Adnan Selçuk Mizrakli Banqe Xidayî ya kê Serekîya Dayîreyê Xizmetanê Sosyalî ya Şaredarîya Girdî ra giredayîyê sehna û aşkera kerd kê semedê tekoşîna bi xizanîye danegehêko newe bêro hadrekerdiş.

Hemşaredarê Şaredarîya Bajarê Gird a Amedî Adnan Selçuk Mizrakli Banqe Xidayî ya qezaya Peyasê taxa Dîclekentê ya kê Serekîya Dayîreyê Xizmetanê Sosyalî ya Şaredarîya Girdî ra giredayîyê zîyaret kerd û derheqê xebatan di zanayîş girewt.Mizrakli derheqê xebatan di amîranê beşan ra pêvînayiş kerd û giringîya raporê kê tekoşîna bi xizanîye ra sero vindert.

“Şarmaşik cîhanê ra imûneyêko weş bî”

Mizrakli, xebatanê Komela Şarmaşik a kê pê KHK ameybî girewtiş sero vindert û “Şarmaşik cîhanê ra nimûneyêko weş bî.Sarmaşik teyna sazîya şaredarîyê nêbî,sarmaşik dezgeyanê sîvîlan û hemwelatîyon ra zî muşterek,çalakîyê hîstenîkîye bî.Na şar persivên x ora senî derman benî û senî persivên xo çareser kenî ,semedê xizanîye mabenê şarî de piştgirîyêk senî estê m ara mojna” va.