Parlementerê CHPê ya Stenbolê Sezgîn Tanrikulu û Serekê CHP yê Amedî Mehmet Sayin Hemşaredarê Şaredarîya Bajarê Girdî yê Amedî Adnan Selçuk Mizrakliyî zîyaret kerd.

Parlementerê CHPê ya Stenbolê Sezgîn Tanrikulu û Serekê CHP yê Amedî Mehmet Sayin Hemşaredarê Şaredarîya Bajarê Girdî yê Amedî Adnan Selçuk Mizrakliyî zîyaret kerd û serkewtîşê ey waşt.Mizrakli verê bere protokolê di şî verê meymananê xo û poştîpêdayîşê înan ra ver spas kerd.

Tanrikulu şexse Mizrakliyî de şarî selahîyet xo reyna girewt û ma ina rewşe ra ver zaf keyfweşî vat û bado wına dewom kerd:”Sey ucubeyêk kayûm îcat bî.İna rewş gore demokrasîyî û huquqî nêbî.2 serrî ra dima reyna şexsê Mizrakliyî de selahîyetê kê şarî girewt ma zaf keyfweş kerd.

Mizrakli zı “Pêroyî cîhanê de xêzê rêvebîrîyan henî zafêr beno hama welatê ma de sewbînan serreyê peyen de henî qem bî.Wa bes nêbî vîya şarî sero qayûm eşteyî.Mizrakli ma bawer bîme kê bî Weçinitişê Heremî ya 31ê Adare di reyna ma yo qezenç bikerê û henî zı bî.YSK sîstemê qayûmîyê sey KHK yê OHALî viraşt.Bes nêbî kê weçînitişê Stenbol de vîya şarî çîn hesibîyayene..Germike kê Kiliçdarogluyî werd ma hemû werd.Çîyê kê Mayên Aştîyî rê kerdî hemû şarê ma rê kerdî.İna rewş zerrîyê ma de dirbetinêko girs akerd.”

Mizrakli bado wına dewom kerd:”Ma vîneme kê çîyêke yeno viraştiş nê huquqî yo û nê edîl o ma baş zanenê hama ma endî xo danê xebatane xo ser.Ma wazeme kê xizmetanê kê şarê ma heq kenî bideme.Berpirsîyarê ma yo tewr giring cuab dayîşê persiv û waştîşanê şarî yo.Ma her çiqas partîyên cîya bîme zı dorme ina xeletî û nêheqîyan de yew bîyêne.”