Verê maçê Amedspor û Vansporî yê hewteyê 27. yê Lîga 1. ya TFF'yî ke Stadyomê Amedî de do bêro kaykerdene, pêdîyayîşêko erjîyaye ame viraştene.

Hemşaredarê Şaredarîya Amedî ya Şaristanê Girdî Serra Bucak û Dogan Hatun û Klûbê Amedsporî, terefgirê Amedspor û Vansporî salonêka konferansî ya qezaya Kayapinarî de bi bernameyê fitarî kerdî mêman.

Bucak ke bernameyê fitarî de qisey kerd, bale ante ke ganî spor bibo wesîleyê têhetameyîşê bingeyê seypêyî, azad û aştîwazî.

Badê bernameyê fitarî terefgirê her di taximan şîyî Stadyomê Amedî ke tede maç do bêro kaykerdene.

Hemşaredar Dogan Hatun zî do standyum de maçî temaşe bikero.