Walî û Serekwekîlê Şaredarîya Bajarê Girdî yê Dîyarbekirî Hasan Basri Guzeloglu, qepsema têhetamayîşê karsazan di awanîya OSBê de karsazan ra ameyî têhet û derheqê xebatan di pêvînayiş virazîya.

Walî û Serekwekîlê Şaredarîya Bajarê Girdî yê Dîyarbekirî Hasan Basri Guzeloglu, semedo ke xebatan ser o pêvînayiş biviraze û probleman henî bil eze çareser bikero qepsema “Têhetamayîşê Karsazan” di awanîya OSBê de karsazan ra ameyî têhet.Serekê Rêveberîya OSBê Aziz Odabaşı û endamî OSBê şî verê Walî Guzelogluyî.

Kombîyayîş de Walî Guzelogluyî aşkera kerd ke têhetamayîşê karsazan vera zaf keyfweşî û bade wîna dewom kerd:”Ma wazeme ke Dîyarbekir bi îstîhsal û bazirganîye namdar bibo.Ma o semed şewe û roje xebitiyenî.Armancê ma yo ewilî geşkerdişê OSBê yo.Bi taybetî ma wazeme ke Dîyarbekir teyna mintiqayê xo de nêy mîyanneteweyî de zî bibo kiriştbarê bazirganîye.Mabenê 3 serrî de Dîyarbekir hetê sermayegozarîye xeyle aver şî la no bes nîyo ma wazeme ke bajarê ma henî aver şero.No armanç de çi dest ma ra bêro ma do texsîr nêkenê.” Walî Guzelogluyî bade qalîkerdişa xo heme beşdaran rê spas kerd.