Hemşaredarê Amedî yê Şaristanê Girdî Serran Bucak û Dogan Hatun qezaya ma Gêl de wayîranê tekteyan reyde ameyî têhet û wayîrê tekneyan rê îzah kerd ke sotemenîyo fosîl awa şimitişî keno lêmin û va ke, “Awa ke 2 mîlyon kesî şimenê, ganî ma pak verdê.”

Hemşaredarê Amedî yê Şaristanê Girdî Serran Bucak û Dogan Hatun Gêl de tekneyanê Gola Barajî ya Dîcleyî ca de kontrol kerd. Hemşaredaran reyde endamê ma yê meclîsî est bîy. Hemşaredaran wayîranê tekneyan reyde ameyî têhet û û gazin û pêşnîyazanê înan ê çareyî goşdaritî û ê îqaz kerdî de ganî derdorê gola awe pak bêro verdene.,

Hemşaredarî: Sotemenîyo fosîl awa gole lêmin keno

Hemşaredaran dîyar kerd ke sotemenîyo fosîl gola awe lêmin keno û ganî awa 2 mîlyon kesan pak verdê. Hemşaredaran dîyar kerd ke ganî wayîrê tekneyan teknayanê xo êdî bi motora ceyranêne bixebitnê.

‘Ma do tayê tedbîran bigîrê’

Hemşaredaran dîyar kerd ke ê berpisîyarê pakî û emnîyetê awa gol ê û wayîran û esnafan îqaz kerd ke vera turîstan hîna bibaldarî têw bigêrê. Hemşaredaran ard ziwan ke ê do tayê tedbîran bigîrê.

Hemşaredarî esnafê qeraxê gole zî zîyaret kerdî û înan ra waşt ke wa kinarê awe de seba emnîyetî tayê tedbîran bigîrê ke kes nêkewo awe.