Hemserekê Şaredarîya Bajarê Girdî yê Amedî Dr.Adnan Selçuk Mizrakli qezaya Erxenî dewa Malê Demo de dare ke verba erozyone kokê ci teber de mendîbî wekenit û girewt bin pawitişê şaredarîye.

Hemserekê Şaredarîya Bajarê Girdî yê Amedî Dr.Adnan Selçuk Mizrakli qezaya Erxenî dewa Malê Demo de dare ke verba erozyone kokê ci teber de mendîbî wekenit û girewt bin pawitişê şaredarîye.500 daranê ke erozyon vera hesar dîyî bêrê girewtene binê seveknayîşê şaredarîye û seba nê daran ware sîtî bêro awankerdene.Yeno tehmîn kerdene ke nê daran mabenê 100 û 500 serrî derîyo.

Hemşaredar Mizrakli,Hemserekê Şaredarîya Erxenî Ahmet Kaya,endamê meclîsî ya şaredarîye û Serekê Dayîreyê Park û Baxçeyan ra pîya warê daran gêra û derheqê daran di zanayene girewt.Badê Hemşaredar Mizrakli dewijan ra mudeyek suhbet kerd û pawitişê daran vera spas kerd.

Mizrakli Koê Meqamî de gêra

Hemşaredar Mizrakli û kesanê pîya zîyaretê dewa Malê Dem ora dima Koê Meqamî gêrayî.Hemserekê Şaredarîya Erxenî Ahmet Kaya derheqê herêma Koê Meqamî û Dêrê Meryemayî de zanayene da meymananê xo û aşkera kerd ke nê herême de xebatane pakîyê dest pêbikero.Mizrakli zî aşkera kerd ke herêma Koê Meqamî seba sporê kogerîye zaf munasibo û ser nê meseleyî Hemserek Kayayî ra pêvînayiş kerdî.Sewbînan Hemşaredar Mizrakli aşkera kerd ke seba waştîşanê teleferîke zî ganî ewilî xebate fîzîbîlîte bêro viraştene.Badê Hemşaredar Mizrakli keyeyanê ke seba seyrane ameybî uca ra ameyî têhet.