Bi wesîleya Hewteyê Mewludî Nebî çalakîye bi name “Pêxamber û Aîle” serrast bî û çalakîyê rê Walî û Serekwekîlê Şaredarîya bajarê Girdî ya Dîyarbekirî Hasan Basri Guzelogluyî beşdar bî.

Hewteyê Mewludî Nebî bi tewir-tewir çalakîyan yena pîrozkerdene.Merkezê Kultur û Kongreyî de bi wesîleya Hewteyê Mewludî Nebî bi name “Pêxamberê ma û Aîle” çalakîyêk virazîya.Çalakî bi tîlavetê Quran-î Qerîm dest pêkerd.Çalakîyê rê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu, Midurê Pêroyî yê Weşananê Serekîya Karanê Dîyanetî Dr.Fatih Kurt, Midurê Asayîşê Bajarî Şukru Yaman, Fermandarê Cenderme yê Tuggeneral Mustafa Erdem, Mifteyê Dîyarbekirî Selim Karabayır, temsîlkaranê dezgeyanê sÎvîlan,wendekar û hemwelatijan beşdar bîyî.

Walî Guzelogluyî bal ont Hewteyê Mewludî Nebî ser o û aşkera kerd ke ganî ma pêxamberê xo rind fahm bikerî.Walî Guzelogluyî bade wîna dewom kerd:”Pêxamberê ma şexsîyetê rindekî, fezîletî û exlaqî yo.Cuya ey de roşnêko pêt esto ke heyatê ma yê şexsî û komelkî keno roşn.O semed ganî ma pêxamberê xo rind nas bikerê û ma cuya ey rind bizanê.Cuya Pêxamberê ma semedo bawerkerdoxan numuneyêko gird o.Ma bi şeffatê pêxamberê xo Homayî ra rehmet û mexfîretî wazenê.İnşallah do bibê wesîleyê xeyr û heseneyan.”

Qalîkerdişa Walî Guzelogluyî ra dima Midurê Pêroyî ya Weşananê Serekîya Karanê Dîyanetî Dr. Fatih Kurt Pêşkeşêk bi name “Pêxamberê ma û Aîle” viraşt.