Şaredarîya Baxlarî Dezgehê Plentê Asfaltî viraşt û Walî û Serekwekîlê Şaredarîya Bajarê Girdî yê Dîyarbekirî Hasan Basri Guzelogluyî sazgehê asfaltî akerd.

Şaredarîya Baxlarî Sazgehê Plentê Asfaltî yo, asfalte ke bi kerrayanê bazalt yê Qerejdaxî ra ameyê îstîhsalkerdene viraşt û akerdîşê sazgehê rê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu,Parlementerê Dîyarbekirî Ebubekir Bal, Şaredarê Baxlarî Huseyin Beyoglu, Qeymeqamê Sûrî Abdullah Çiftçi, Qeymeqamê Yenîşehrî û SerekwekîLê Şaredarîya yenîşehrî Murat Beşikçi, Qeymeqam û Serekwekîlê Şaredarîya Peyasî Unal Koç, dezgeyanê sîvîlan û hemwelatijan beşdar bîyî.

Walî û Serekwekîlê Şaredarîya Dîyarbekirî Hasan basri Guzelogluyî îzah kerd ke, Şaredarîya Dîyarbekirî qîymet dana Dîyarbekirirjan û wina va “Ma semedê Dîyarbekirêko weş şewe û roje şuxulîyenê. Semedo ke wa bajarê ma aver şêro, çi destê ma ra yeno ma kenê. Çi destê ekîbanê ma ra yeno texsîr nêkenê. Ma nê xizmetan semedê şarê xo kenê. Ma xizmetkarê şarê xo yê. Her hemwelatîyê me çimê ma de qîymetin o. Ma kenê ke, şarê xo rê xizmet bike. Ma do her hetê Dîyarbekirî rê xizmet bike.Kar û gurê şaredarîyan xizmetdayîşê hemwelatîyon o, çîyêko bîn nîyo.Weçinîtiş ra dima demêko kilm ravêrt la Şaredarîya Baxlarî xizmetanê zaf girîng ard ca.Kar û gurê ma asankerdişê cuya şima yo.Ma teyna wazeme ke welatê ma heme cayon di aver şêro.Biewnîrê no sazgeh, sazgehêk ekonomik o.Ma endî bi no sazgehê eşkenê asfaltê xo îstîhsal bikerê.Ez wazena ke no sazgeh heme hemwelatijan rê xeyrîn bo.Ez heme kesanê ke kedê înan kewtî na xebata girîng spas kena.”

Badê Walî Guzelogluyî sazgehê akerd û derheqê xebatanê tîya de selahîyedaran ra agahî girewt.