Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu çalakîya qepsema Projeyê Piştgirîya Sosyal a “Perwerdeyê Mamosteyanê Rayber” rê beşdar bî.

Bi koordîneya Walîtîye û bi piştgirîya Îdareyê Averşîyayîşê Mintiqaya GAPê qepsema Projeyê Piştgirîya Sosyal a semedê gedeyanê bêkes û dezavantajînan perwerdekaranê înan rê perwerde ame dayene.Çalakîya Perwerdeyê Mamosteyanê Rayber rê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî, Serekê Îdareyê Averşîyayîşê Mintiqaya GAPê Sadrettin Karahocagil,Rektorê Unîversîteya Dîcle Prof.Dr. Talip Gül û pewerdekaranê unîversîte,midurê lijneyan,mamosteyanê rayber û wendekaran beşdar bîyî.Çalakîyê Perwerdeyê Masmosteyanê Rayber bi wendîşa Marşê Îstîqlalî û vindertişa hürmete dest pêkerd.Çalakîyê de Serekê Îdareyê Averşîyayîşê Mintiqaya GAPê Sadrettin Karahocagil,Rektorê Unîversîteya Dîcle Prof.Dr. Talip Gül û Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî qalîkerdişêk viraşt.

Walî Guzelogluyî bal ont giringîya mamosteyanê rayber ser o û “Ma tîya de têhetamayîşêk girîng pê ard.Mabenê komele de çîyanê tewr girîng bêgûman gedeyanê ma yo.Sibarojê gedeyanê ma zî hem dest ma de hem zî dest mamosteyanê ma de yê.Ma zanenê ke tesîrê mamosteyan gedeyan ser o zaf o.O semed ma wazeme ke gedeyan rê heme berpirsîyarîyî xo bîyarîme ca û ma o semed no têhetamayîşêk wînsaî girîng serrast kerd.No gedeyan gedeyanê ma yo.Problemê no gedeyan zî probleme ma yo.O semed ganî no derheq de çi dest ma ra bêro ma texsîr nêkenê.Ganî ma gedeyanê xo heme hetan de geş bikerê.No derheq de Tirkîya bi rayberîya Serekkomar Recep Tayyip Erdoganî vurnayîşêk gird viraşt.Semedê asankerdişê cuya hemwelatijan û perwerdeyê gedeyan, inka resayişê gedeyanê astengdaran a mektebe ra heta piştgirîyê keyeyanê gedeyan bigîrê xeylê proje ame viraştene.Averşîyayîşê perwerde û gedeyan de berpirsîyarîyêk gird doşê mamosteyan ser o yo.Çimkî gedeyan heme babetan di mamosteyanê xo rayber û model gêno.Ganî mamosteyan bi nîyetêko rind zî bibo cîyayî mekerî mabeynê gedeyan.Ma wazeme ke bi piştgirîya ma û bi rayberîya mamosteyan gedeyanê xo sibarojêk henî weş rê hadre bikerîme.Ez heme mamosteyan rê serkewtîşî wazena û spas kena” vat.

Çalakî qalîkerdişê Walî û Serekwekîlê Şaredarîya bajarê Girdî ya Dîyarbekirî Hasan Basri Guzelogluyî ra dima bi perwerdeyan dewom kerd.