Walîyê Dîyarbekirî Munir Karaloglu kursîyeranê ke bine banê Serekîya Dayîreyê Xizmetanê Ciwan û Sporî ya Şaredarî de kursê qabîlîyetê taybet de perwerde vînenê ra ameyî têhet û înan rê malzemeye sporî vila kerd.

Serekîya Dayîreyê Ciwan û Xizmetamaê Sporî ya Şaredarîya Bajarê Girdî ya Dîyarbekirî semedo ke wendekaran bê pere xo hadreyê îmtîhananê mektebanê spor, polis û leşkeran bikerê kursanê qabîlîyetê taybet akerdbi û pê tewrê Walîyê Dîyarbekirî Munir Karaloglu, Qeymeqam û Serekwekîlê Şaredarîya Peyasî Unal Koç, Midurê Ciwan û Sporî ya Bajarî Muammer Uslu, Hetkarê Sekreterê Pêroyî ya Şaredarî Ayhan Kardan û serekê dayîreyanê şaredarî kursîyeranê taybet rê malzemeye sporî ame vilakerdiş.

Çalakîya vilakerdişê malzemeye sporî Tesîsê Sporî ay talaytepe de pê qalîkerdişê Serekê Dayîreyê Xizmetanê Ciwan û Sporî ya Şaredarî Mehmet Kesen dest pêkerd.Kesenî aşkera kerd ke pêroyî de semede kursê qabîlîyetê taybet 2 kordînator û 12 antronor wezîfe kenêç

Badê Walî Karaloglu derheqê kursê qabîlîyetê taybet agahî daye û aşkera kerd ke semede şaredarî spor cayêko giring der o. Karaloglu derheqê xebatanê Banê Zanayîşî ser o zî agahî daye beşdaran û kursîyeran rê malzemeye sporî vila kerd û serkewtişê înan waşt.