Walî Karaloglu: “Roje, mewsimê Quran û paştgêrîye Şehr-î remezan xeyrin bo.”

Şaredarîya Bajarê Girdî ya Dîyarbekirî bi wesîleya aşma Remezanî pê slogana ma nîyet kerd Remazanî malperanê komelkî ya fermî yê Şaredarîya Girdi de pê cîya-cîya çalakîyan bêro keyeyanê hemwelatîyan. Şaredarîya GirDî semedo ke emser hemwelatîyan aşma Remezanî pê cîya-cîya çalakîyan zerrîweşî bivîyarnê Meydanê Camîya Qerşunine ( Kurşunlu Cami) hadrekerdbi labelê prosese Vîrusê Korona ver çalakîyan açarnayî dîjîtalî. Şaredarî pê cîya-cîya çalakîyan malperanê fermî yê Şareadrîya girdi de pê weşano gande hemwelatîyan ra bêro têhet.

Walîyê Dîyarbekirî Munır Karalogluyî aşkera kerd ke emser qepsema tedbîranê Vîrusê Korona ver nêeşkenê ke fitaran di hemwelatîyan ra bêro têhêt ina ver xemgînîye xo ard ziwanê xo ser û badê Karalogluyî mesajê xo wîna domna: “ Roje, mewsimê Quran û paştgêrîye Şehr-î remezan xeyrin bo.Ma nêeşkenê emser fitaran de bêrê têhet û ma işna ver zaf xemgînî labelê şima zî bizanê ke ma pê kartê sosyal, werde fitarî û duayanê xo şima het de yî.”

Hetêk ra semede aşma Remezanî hetê Serekîya Dayîreyê Karanê Kultur û Sosyalî ya Şaredarî çalakîyê sosyal serrast bikero hetêk ra zî hetê Serekîya Dayîreyê Xizmetanê keye û Cinîyan ya Şaredarî çalakîyê werde cayî yo ke yeno vîrkerdiş, serrast bikero. Heme çalakîyanê aşma Remezanî malperanê fermî yê Şareadrîya girdi de bêrê weşanîyayiş.

Sewbînan Serekîya Dayîreyê Xizmetanê Sosyal ya Şareadrî pêroyîyê bajarî de hemwelatîyanê dezavantajînan rê vilakerdişê kolîyê xida domnabi û na rey zî şaredarî semedê hemwelatîyanê dezavantajînan kartê sosyal ya ke 300 Tl dekerde yo, vila keno. Şaredarî bi wesîleya aşma Remezanî 11 hezar û 300 kesan rê kartê sosyal vila kerd. Heta pêynîya aşma Remezanî vere 5 Neweşxaneyî, Meydanê Şêx Seîdî, vindergehê komresî û raywanan rê û qezayanê Farqîn, Erxenî û Bismil de 3 hezar kesan rê werde fitare ( awe, sandviç û xurma ) bêrê vilakerdiş.