“Ciwanê ma yê delalî, eke şima Dîyarbekir de ronişenê û unîversîte de beşa 2 yan zî 4 serrîyin rê qeydê xo viraştê emser ma do şima rê 750 tl destegê perwerdeyî vila bikerê.”

Walîyê Dîyarbekirî Munır Karaloglu da zanayene ke ciwanê ke emser unîversîteyî sifte qezenç kerdê û qeydê xo viraştê rê 750 lîra desteğe perwerdeyî bêra vilakerdiş.

Karalogluyî bade wina vat : “Ciwanê ma roştîya çimanê ma, sibaroje welat û Dîyarbekirî ma, eke şima Dîyarbekir de ronişenê û unîversîte de beşa 2 yan zî 4 serrîyin rê qeydê xo viraştê emser ma do şima rê 750 tl destegê perwerdeyî vila bikerê.Bereketin bo. Şima Cezerî,Sezaî Karakoç,Alî Emîrî,Hamîd Aytaç û Ahmet Arîfî yê ameyoxî yî.Homa vîrê şima a bikero.”

Şareadrîya Girdî semedo ke ciwanê ke emser unîversîteyî qezeç kerde rê desteg bido projeyêke viraşt.Çarçiwa proje de ciwanê ke unîversîteyê taybet yan zî dewlete ra beşa 2 yan zî 4 serrîyin qezenç kerdo û eke qeydê xo viraşto muracaatê desteğe unîversîteyinan bikero. Ciwanî eşkenê sîteyê http://destek.diyarbakir.bel.tr ser o qeydê xo bivirazê.

Cayê roniştişî yê ciwanan pê sîstemê Sîstemê Îdareyê Nufusî ya Merkezî ( MERNIS), encamê îmtîhanî zî sîstemê OSYM û melumatê ibanê ciwanan sîstemê edevletî ser o bêra teyîdkerdiş.

Muracaatan 27ê Elule de dest pê keno û ciwanan eşkenê hetanî 10ê Teşrîne saet 23: 59 dewom bikero.