Şaredarîya Bajarê Girdî ya Dîyarbekirî Warê Dîcle yo ke nêzdîyê Koyê Qirxlarî de ca gêno de xebata raştkerdişê dorûverî dabi dest pêkerdiş û ekîban xebatanê bê mabên domnenê.

Şareadrîya Bajarê Girdî ya Dîyarbekirî wa semedo ke hemwelatîyan cayanê tarîxî û kulturî hîna weş bizanî sermayegozarîyê xo domneno.

Serekîya Dayîreyê Park Baxçe û Cayanê Zergûnînan ya Şaredarî semedo ke hemwelatîyan mabeyne Pirdo Desçim û Koyê Qirxlarî de hîna rehet bigeyrê xebata roşnîkerdişî viraşt.

Çarçiwa xebatan di ekîbê şaredarî 20 metrekareyin 4 dîregê roşnîkerdişî awan kerd û cayanê rayşîyayişî de zî 250 armaturê kuçeyî û 350 spotê dîregan kerd newe.

Warê Dîcle do bibo zergûn

Şaredarîya Girdî wa semedo ke hemwelatîyan mabênê xozayî de wextê xo keyeyanê xo reyde biveynê xebata peyzajî dabi dest pêkerdiş û ekîban hetanî nika 250 dar, 150 şirqat û 6 hezar vilê mewsîmî ronayî.

Sewbînan ekîbê şareadrî do mewsîmê ronayişê dar û vilan de zî 10 hezar dar û 20 hezar şirqatî ronê.

Teras yeno viraştiş

Ekîbê şaredarî semedo ke hemwelatîyan tîya de bi rehetî seyran bikerê cayanê seyran û arisîyayişî zî awan bikero. Sewbînan wa semedo ke hemwelatîyan keye û gedeyanê xo reyde hîna weş wextê xo biveynê terasêk yeno viraştiş.

2 otopark bêro awankerdiş

Serekîya Dayîreyê Ciewnîayyiş û viraştişê Rayîr û Koordînasyonê Binawanî ya Şareadrîya Girdî wa semedo ke hemwelatîyan hîna rehet şêrê ziyaret bikerê 750 metre dergi û 15 metre hîreyî de rayîrêko newe akerd.

Ekîbê şareadrî xebata binawanî qedînay û dest pê xebata peyarayîr û roşnîkerdişî kerd.

Ekîbê şaredarî do rayê newe rê 8 ehzar ton asfalto egrmin rokerê û 240 wesayitin zî di heb otopark awan bikero.