Şaredarîya Şaristanê Girdî ya Amedî, Fîskaya de Kuçeyê Dr. Yusuf Azîzogluyî ser o 2 hezar û 781 metrekare de ke nêameyêne şuxulnayene, tede xebata peyzajî da destpêkerdene.

Serekîya Daîreya Park û Baxçeyan, bi îmkananê xo, sînorê Fîskaya yê qezaya Yenîşehîrî de Kuçeyê Dr. Yusuf Azîzogluyî de cayê vengî bi tewir-tewir nebatan do bixemilno.

Serekîya Daîreya Park û Baxçeyan, 2 hezar û 781 metrekare de xebatanê bingeyînan ra elektrîk, avdayîş û sererastkerdiş û rastkerdiş dewam kena, û tîya de nimûneyanê peyzajê huşkî zî ke kêmî awe şuxulnenê do ca bigîrê.

Do cîya-cîya tewirê daran bêrê ronayene

Proje de, 900 metrekare de do kerrayê dolomîtî bêrê şuxulnayene û peyzaj huşk bêro kerdene û do dormeyê daran bi cûrûfê huşkî do bêro piştene. 481 metrekare de zemîn do bêro pêtkerdene û tîya de do kerrayê bazaltî û plakê bazaltî bêrê rakerdene.

Serekîya Daîreya Park û Baxçeyan, badê xebatanê bingeyî do dest bi xebatanê serawanî bikera. 1000 metrekare de do cîya-cîya tewirê daran bêrê ronayene û goreyê demserran proje de vil û darê qijkekî yê rengê cîya-cîyayî do bêrê ramitene.

Şaredarîya Şaristanê Girdî, xebata peyzajî ya ke Fîskaya de kena, amancê aye o yo ke demêkê kilmî de biqedîna û dekera xizmetê şarî.