Şaredarîya Bajarê Girdî ya Amedî semedê kê weşîya şarî bipawo û verê peydebîyayîşê vektorên bizerar(melş û melşeyan) bigîrê,pê 32 wesayît û 162 xebatkarî xebatanê dermankerdîşî domneno.Mixtarê Taxa Dabanogluyî Abdullah Babrak xebatanê dermankerdîşî ra ver Şaredarîya Girdî rê spas kerd.

Serekîya Dayîreyê Karên Weşî ya Şaredarîya Bajarê Gird a Amedî semedê kê weşîya şarî bipawo û verê peydebîyayîşê vektorên bizerar(melş û melşeyan) bigîrê,pê 32 wesayît û 162 xebatkarî xebatanê dermankerdîşî domneno.Xebatanê dermankerdîşî Pê di vardîya şewe û roje dewom keno.Dermananê kê xebatanê dermankerdîşî de yenê şuxulnayîş pê tastîqa Wezaretê Weşîyê yo.

Xebatanê dermankerdîşî bê mîyan dewom keno

Serekê Serekîya Dayîreyê Karên Weşî ya Şaredarîya Bajarê Gird a Amedî Vahap Şaçaklidir derheqê xebatanê dermankerdîşî de zanayîş da û :”29ê Gulane ra nat xebatanê dermankerdîşî şewe û roje bê mîyan dewom keno.Xebatanê dermankerdîşî ULV ewro ra dima hetanî pêynîya Oktobre do dewom bikero.Bi taybetî heremên awe de û heywanan de bê mîyan dermankerdîş dewom keno û aşmên zimistonî de zî xebatanê dermankerdîşî dewom bikero.”

Verba peydebîyayîşê ûvezê zî xebatanê dermankerdîşî dest pêkerd

Saçaklidir aşkera kerd kê pê germbîyayîşê hewayan peydebîyayîşê ûvezan zî zêde bî û ekîbên şaredarîyê zî seba kê verê peydebîyayîşê ûvezan bigîrê xebatanê dermankerdîşî ya ûvezî zî da dest pêkerdiş.Saçaklidir îzeh kerd kê 6 wesayîtên holderî ya Serekîya Dayîreyê Park,Baxçe û Cayanê Zergûnînan,Pirda Desçim,Koşka Erdebîl ,binên Sûrî,Hz.Suleyman û Walîtî û Qonaxa Walî de xebatanê ûvezî dest pêkerd.

Ekîbên Mudaxeleyê Lezgîn ame awan kerdene

Saçaklidir da zanayîş kê cayanê kê rîskê dimpiştikan estê,keyeyên herrî ya Surîçî,xirban de û galerîyên Sûrî de zî dermankerdîşî dimpiştikan û heywananê ragunaney 13ê Hezîrane de dest pêkerd.Bi yabetî eke gerreyên dimpiştik û morîyan bikerî şaredarîya ma çîyêke lazimo bêrê viraştene û ma seba mudaxeleyê lezgînî ekîbêko awan kerd.Ma roşanê de zî bê mîyan xebatanê dermankerdîşî donma,la ma zanenê kê qemasîyên ma zî bî ma wazeme kê şarê ma ma bibexşî.

Xebatan ra ver spas kerd

Mixtarê Taxa Dabanogluyî Abdullah Babrak,derheqê xebatanê dermankerdîşî de qalî kerd û wîna va:”Emser şilî zaf bî û pê şilîyan zî nişka ra hewayan germ bî û o semed zî esmer peydabîyayîşê melş û meşleyan zî zêde bî.Şaredarîya ma weş û war be ewro ekîbên şaredarîyê ame.Ma zî çiqas dest m ara bêrê drmankerdîşî xirban û cayanê rişnayî virazenê.Xebatanê dermankerdîşî ra ver ez Şaredarîya Girdî rê spas kena.”