Şaredarîya Bajarê Girdî yê Amedî bi ekîbêko hîra(308 kesî) bin û galerîyanê Sûran de xebatanê pakî virazenê.Midurê Beşê Pawitişa Dorûverî Mehmet Baran zî veng da hemwelatîyon ke sûran lêmin mekerî û bipawê.

Şaredarîya Bajarê Girdî yê Amedî Sûranê kê semedê Amedî cayêko giring dero xebatanê pakîda dest pêkerdiş.Şaredarî bi ekîbêko hîra( 308 kesî) bin û zere Sûran de xebatanê pakîyê virazenê.Midurê Beşê Pawitişa Dorûverî Mehmet Baran veng da heme hemwelatîyan û waşt kê hemwelatîyon sûran bipawê û hîstenîkîyê bimojnê.Baranî bal ont giringîya xebatanê muşterekî yê şaredarîyan ser o.

“Ez gêj nîya,ez hîstenik a”

Hemwelatêk kê nameyê ci Raufo,seba xebatanê pakî de keyfweşîyê xo ard ziwanê xo ser o û wîna va:”Ez Şaredarîya Girdî ra spas kena.Şaredarîya ma na meselaya pakî de çi kuweno milê ey ser o virazeno la teyna bi xebatanê Şaredarîyê nêbeno ganî ma zî piştgirî bideme xebatanê pakî.Ez her waxt rayîr de çopan kom kena û kesanê kê mi vînenê ez çop kom kena mi rê vana ti gêj a,ez zî vana nêy ez gêj nîya ez hîstenik a.”Raufî aşkera kerd kê pakîya dorûverî bi lêmin nêkerdiş mumkun o.