Hemşaredarê Şaredarîya Amedî ya Bajarê Girdî Serra Bucak û Dogan Hatunî, Mahmut Uçako ke astengîya şebekayê awa varayîşî akerdbî, kerd mêman.

Mahmut Uçako ke roja 22ê êlule de wextê varayîşê zêdeyî ke Amedî de tesîr kerdbî, Rayîrê Mehmet Uzunî yê Taxa Baxcilara Qezaya Baxlarî de gemar û gilêza ke mazgalê xeta awa varayîşî de kom bibî û xetimnaybî, apakkerdbî û vîdyoyê ey medyaya komelkî de vila bibî, ame zîyaretê Hemşaredaranê Şaredarîya Bajarê Girdî Serra Bucak û Dogan Hatunî.

Badê xeyrameyîşî Hemşaredara Bucak û Hatunî Uçakî reyde yew kombîyayîş kerd.

Hemşaredaran va ke înan nê zîyaretî ra keyf girewto û seba hîsdarîya komelkî reyna sipasîya Uçakî kerde.

Hemşaredaran, Mahmut Uçako ke hîsdarîya komelkî nîşan dabî, 23ê êlule de keye de zîyaret kerdbî.