Hemşaredara Amedî ya Şaristanê Girdî Serra Bucak nêweşxane de şîye zîyaretê Îsmaîl Beşîkçîyî.

Hemşaredara Amedî ya Şaristanê Girdî Serra Bucak şîye zîyaretê Şarnas-Nuştox Îsmaîl Beşîkçîyî ke 27ê êlule de gonî perraybî mezgê ey û Nêweşxaneyê Fakulteya Unîversîteya Dîcle de tedawîyê ci dewam keno.

'Rewşa ey stabîl a'

Hemşaredare Bucak îdareyê Nêweşxane û Serhekîmî reyde ameye têhet û derheqê weşîya Îsmaîl Beşîkçîyî de melumatî girewtî. Bucak va: “Weşîya Mamosta Îsmaîlî stabîl a û çîyêko neyinî çin o. Hişê aye zelal o refleksê ey baş ê.”

Bucak dîyar kerd ke demêko kilm bo zî mamosta Îsmaîl dîyo û va mi silamê Amedijan resnayî ey, o zî huya û şarê Amedî rê silamê xo erşawitî.