Şaredarîya Bajarê Girdî ya Dîyarbekirî merkeze bajarî de û tax û dewan de gedeyê dezavantajînan rê mojnayişê sinemayî serrast kerd.

Şaredarîya Girdî wa semedo ke gedeyî hetê fîzîkî û sosyali aver şêrê xebatanê xo domneno.

Wesîleya xebata Serekîya Dayîreyê Xizmetanê Spor û Ciwanî ya Şaredarîya Girdî hetanî nika 8 hezar gedeyî reya sifte sinema temaşe kerd.

Gedeyî pê servîsê şaredarî berdîyay salona sinema û sinemaya “Akîf” ke qala cuya Mehmet Akîf Ersoyî keno, temaşe kerd.

Mamostaya Tirkî Nezahat Ekene ke Banê Zanayişî ya Hênî Gurbuz ser o xebetiyena da zanayene ke zafêrê gedeyon reya sifte yo ke sinema temaşe kenî û bal ont giringiya xebata mojnayişê sinema û wina vat :” Gedeyî reya sifte yo ke sinema temaşe kenî û aye ra ina xebate xebatêko zaf giring o.Ma zaf keyfweş î.”

Mamostaya Rayber Abdulvahît Yildizî zî da zanayene ke ewro keyfweşîyê gedeyî pîya pare kenî.

Ecrın Yilidirime ke reya sifte ameya sinema keyfweşîYê xo ard ziwanê xo ser û wina vat : “Fîlm zaf weş bi.Ma ewro cuya Mehmet Akîf Ersoyî musayî. Ez ina tecrube ver ewilî Walî Munır Karalogluyî rê bade Şaredarîya Girdî rê spas kena.Ez zaf keyweş bîya.”

Wendekar Beyzanur Aslane zî kîfş kerd ke ekrano gird de temaşekerdişê sinema zaf weş o û sînemayî zaf tesîrê aye kerda.