Walî Karaloglu :

“Kurmancî, Zazakî,Erebî,Farisî, Osmanî Suryanî erjê ma yê hempar ê û ma semedê ciwînayenê nê ziwanan zaf qerardar î.”

Atolyeya ziwanê medenîyetî pê demê perwerdeyîya newe dest pêkerd.

Serekîya Dayîreyê Karanê Sosyal û Kulturî ya Şaredarîya Girdî semedo ke hemwelatî ziwanêko newe bimusê Atolyeyê Ziwanê Medenîyetî de kursan akerdbi. Kursîyerê sifte pê serkewte kursê xo qedînaybi û Atolyeya Ziwanê Medenîyetî pê demê perwerdeyîya newe reyna dest pê perwerdeyan keno. Perwerdekaran hetêk ra perwerdeyê teorîk bidomnê heto bîn ra zî semedê averşîyayişê ziwanî çalakîyan serrast bikero.Dersanê Atolyeya Ziwanê Medenîyetî dest pêkrd.

Walîyê Dîyarbekirî Munır Karaloglu Merkezê kultur û Kongre ya Sezaî Karakoçî de tewrê dersa kurmancî bîyî.

Walî karaloglu tîya de qalîkerdişêk viraşt û da zanayene ke Dîyarbekir 12 hezar serrî cîya-cîya medenîyetî rê wayîrî kerdo û nê kultur û medenîyetî cîya-cîya pê birayîye û haştîye cuyeno.”

Karalogluyî vîr vîst ke par 640 kursîyerî dersanê xo pê hewaya serkewte qedînay û sertîfîkayê înan dîya û demê perwerdeyîya newe de ATolyeya Ziwanê medenîyetî 18 cîya dersane de pê tewrê 500 wendekarî dewom keno.

“Hemeyê ci erjê ma yê hempar ê”

Karalogluyî da zanayene ke Atolyeya Ziwanê medenîyetî hîna xêzdar deme perwerdeyî ya newe bikero û bade Karalogluyî wina vat : “Kurmancî, Zazakî,Erebî,Farisî, Osmanî Suryanî erjê ma yê hempar ê û ma semedê ciwînayenê nê ziwanan zaf qerardar î.”