Şaredarîya Bajarê Girdî ya Dîyarbekirî, bine banê Atolyeyê Ziwanê Medenîyetî de ziwananê Kurdî, Erebkî, Zazakî, Farisî, Osmanî û Suryanî de kursan akerdbi û şaredarî kursîyerê sifte mezun kerd.

Serekîya Dayîreyê Karanê Sosyal û Kulturî ya Şaredarîya Girdî semedo ke hemwelatî ziwanêko newe bimusê Atolyeyê Ziwanê MedenÎyetî de kursan akerdbi. Kursîyeran 3 aşmî dersa ziwane girewt û kursîyerê serkewte sertîfîkayê xo girewt û mezun bîyî.

Serekê Dayîreyê Karanê Sosyal û Kulturî ya Şareadrîya Girdî Alı Çelıkî tewrê merasîmê vilakerdişê sertîfîkayê kursîyeran bî û sertîfîkayê înan teqdîm kerd.

Wendekara Beşê Huquqî ya Unîversîteya Akdenîze ra Şıfanur Denıze ke kursê kurmancî de bî yewin da zanayene ke vere vîrusê korona mektebanê xo ra dûr kewta û aye ra dest pê kursê kurmancî kerda, aye ra kursê şaredarî banderbîyayişê kurmancî de firsendêko pîl o.

Denıze aşkera kerd ke vere cû qe kurmancî nê dîya û nika kursê kurmancî de bîya yewin. Denzıe bade keyfweşîyê xo ard ziwanê xo ser û spas kerd.

Aydin ra amey û kurmancî musa

Xêzkar Nurı Arslano ke Aydin ra semedê gêrayîşî ameyo tîya û hende ke tîya heskerdo neeşkebi tîya terk bikero da zanayene ke Atolyeyê Ziwanê Medenîyetî kurmancî musayo û endÎ eşkenê hemwelatîyan reyde pê ziwanê înan de qaLî bikerî.

Okan Kayayo ke atolye de ziwanê suryanî musayo aşkera kerd ke wesîleyê atolyeya ziwanan ziwanêko enwe bander bîyo û xebatan ver Şaredarîya Girdî rê spas kerd.

Wendekarê Beşê Huquqî ya unîversîteya 9 Eylulî Mustafa Çetın zî da zanayene ke pê wesîleyê kursan, ziwanê suryanî bander bîyo .

Atolyeyê Ziwanê Medenîyetî do 1ê Îlone 2021 de newera muracatê kursîyeran bigîro.