Şaredarîya Bajarê Girdî ya Dîyarbekirî semedo ke wa bazarkarê cinî cayê tarixî Nêzdî ra bivîne û bizanê gêyrayişêk serrast kerd.

Çalakî hetê Serekîya Dayîreyê Xizmetanê Cinî û Keyayay ya Şaredarîya Girdî virazîya.Cinîyan pê otobusê şaredarî girîya û rayberan reyde Kompleksê Muzeya Îçkale, Camîya Hz.Suleyman,Goristanê 27 Eshabeyê Şehîd,Banê Dengbêjî, Muzeya Bajarî, Konaxa Cemîl Paşa, Dêrê Meryam Ana û Keldanîyan û Pirdo Desçim de gêrayî.

Heme mesrefê gêrayişî hetê Şaredarî ame dîyayiş û cinîyan, gede û tornê xo reyde tewrê gêrayişî bîyî.Cinîyî govend ont û mirda xo keyf kerd.

Sereka Dayîreyê Komela Ardikerdişê Bazarkarê Cinî yê Baxlarî Nurdan Saltuk çalaki ra ver şareadrîya Girdî rê spas kerd.

Bazarkarê cinî zî gêrayiş ra ver keyfweşîyê xo ard ziwanê xo ser.