Walîyê Dîyarbekirî Munır Karaloglu , Berê Fethî yo ke merkezê bajarî Îçkale ra girêdayeno 50 serran dima akerd.

Walî Karaloglu xebatanê arkeolojîkî ya ke Amîda Hoyuk, Îçkale de dewom keno, sehna.

Karaloglu Serekê Kendişê Prof. Dr. İrfan Yıldız ra derheqê xebatan di agahî girewt. Karaloglu akerdişê Berê Fethî yo ke semedê kulturî raygehêk newe yo, viraşt. Karaloglu da zanayene ke pê mottoyê Gêşbîyayişê Sûran 7-8 aşmî pêyên xebatanê zaf girîng ameyê viraştiş. Karaloglu aşkera kerd ke xebatanê sûran ewilî pê pakklerdişî dest pêkerd û etaba yewin de Birca Yedîkardeş ra heta Bircanê Benusen, Selçuklu, Nur û Berê Rîha xebata restorasyonî virazîya.

Karalogluyî aşkera kerd ke xebatan di etaba dîyin pê restorekerdişê Sûranê Îçkale û bircan de dewom kerd û hîna zî xebatan uca de dewom keno. Ma do demêko nêzdî de îhaleyê hîre yo ke bircanê 5,7,8 û 12 ya Meydana Şêx Seîdî têde yê, bikerê û ma roja îhaleyê şet EKAPî. Temombîyayişê îhaleyî ma do bircanê Meydana Şêx Seîdî de zî dest pê restorekerdişê bircan bikerê. Dergîya sûran 5 hezar û 200 metre û pêroyî de zî 101 heb birce ma estê. Ma zanenê ke hîna tîya de zaf kar û gurê ma estê.

Berê Fethî serranê 1970’an ra nata padayebi û Karalogluyıî aşkera kerd ke hewteyê pêyen bire girewt ke ina hewte abikero û Karalogluyî da zanayene ke Berê fethî semede raygehê kulturî cayêko girîng der o. Karalogluyî vîr vîst ke hemwelatê ke wazenê tîya ziyaret bike eşkenê otoparkê şaredarî de ca bide wesayîtê xo.Hemwelatîyan Berê fethî ra eşkenê dekewe Îçkale û ewilî rayîrê Roma ra û Saraykapı ra bivejê CamÎya Hz. Suleymanî û goristanê 27 sehabeyî zî ziyaret bikerê.

Karalogluyî dîyar kerd ke hemwelatîyan eşkenê Berê Kupelı û Îçkale ra bivejê Sûrîçî û Meydana Camîya Qerşunine û ma do endî birce binan zî eşkenê bixebitnê. Derheqê bircanê ke nêno şuxulnayiş de waştîşanê Şaredarîya sûrî, Şaredarîya Girdî û lijneyê binan estê. Ma do inşallah Wezaretê xo reyde pêvînayiş bikerê û ê bircan zî bêrê şuxulnayene. Karalogluyî badê da zanayene ke pê temombîyayişê xebatan tîya pê turîzmê bibe merkeze cazîbeyî. Karalogluyî pêynîya qalîkerdişê xo de veng daye hemwelatîyan ke bêrê tîya bivînê.

Akerdişê Berê Fethî rê Walî Munır Karaloglu, Qeymeqamê Sûrî Abdullah çıftçı, Sekreterê Pêroyî ya Şaredarîya Girdî Ayhan Kardan, Midurê Mintiqa Roleve û Abîdeyan Cemıl Koç, Midurê Kultur û Turîzmî Cemıl Alp û temsîlkarê lijneyan beşdar bîyî.