Şaredarîya Bajarê Girdî ya Dîyarbekirî çarçiwa restorasyonê sûr û bircan de Bircê Meydanê Şêx Seîdî (Dagkapı)de pê rayîrê tonozê beton, xelatê polad û birnayişê karot xebatêka zaf bihîstiyar yena aşkawitiş.

Şaredarîya Girdî, restorekerdişê Sûranê Dîyarbekirî ya ke Lîsteya Mîrasanê Dinya yê UNESCO de ca gênê, dabi destpêkerdiş û xebatan bê mîyan dewom keno.

Hetê Serekîya Dayîreyê Îmar û Bajarvanî ya Şaredarî Bircê Dagkapi û Ulu Beden ê ke Meydanê Şêx Seîdî de ca gênê û hetê turîstan zî raştê eleqeyêko hewl yenê, restore keno.Xebatanê birce bi hûmarê 1,2,3,7 û 8 dewom keno.

Betonan pê hewayêko bihîstiyar yena aşkawitiş

Ekîban qatê terasî ya Mescîdê Merwanî de pê aşkawitişê beton û tonozan dest pê xebatan kerd.

Projeyê restorekerdişê sûran hetê Lijneyê Pawitişê Estene Kulturî ya Dîyarbekirî tesdîq kerde yo û ekîban pê xebatêka zaf bihîstiyar restorasyonan virazenê.

Şaredarî pê restorekerdişê sûran vazena ke cayanê tarîxî yê bajarî ma bivejo werte.

Qedîyayişê xebata restorasyonî ra dima Bircê Dagkapi bêra çarnayiş û biba Muzeyê Xetî ya Hamıd Aytaçî.