Şaredarîya Bajarê Girdî ya Dîyarbekirî semedo ke xizmet û sermayegozarîye xo hîna weş biresnê şarî pê nameyê “Keremke” rojnameyêk çap kerd.

Şaredarîya Bajarê Girdî ya Dîyarbekirî bültenê “Keremke” ya derheqê xizmet û sermayegozarîyê binawanî û serawanî ya şaredarî pê çapa sifte resa şarî.

Hemwelatijan bültene şaredarî ya 40 rîpelin eşkenê sey hewayêko dîjîtal sîteyê şaredarî de biwanê. Sewbînan hemwelatijan eşkenê AVm, wesayîtê komresî, muze, merkeze cinî û ciwanan û kirathaneyan de biresê bültene.

Xebatkarê şaredarî do bültene şaredarî ya “Keremke” cade û quçeyan de zî vila bikero.

Sermayegozarîyan goreyê îxtîyacîyê şarî virazîyeno

Walî Munır Karaloglu seba “Keremke” pê nameye “Derheqê Heskerdişê Dîyarbekirî de“ nuşteyêk nuşt û da zanayene ke roja ke ameyo wezîfe nata quçeyan de şarî reyde yo.

Karalogluyî dîyar kerd ke derheqê problemê bajarî de goşdarîya xaltî(xala), mamo(ap), karker û esnafan ra bigîrê heme lijne û dezgeyanê sîvîlan keno..

Karalogluyî nuşteyê xo de ca da ina qiseyan:

“Heta ke dest mi ra yeno ez lebate kena ke şarî reyde bêra têhet. Mesajê ke şima erşawenê medyayê komelkî yê şaredarî û walîtîye hetê ekîbê mi pê balkeşî yênê sehnayiş. Ma xizmet û sermayegozarîyê xo de waştîşê şima esas gênê. “

Şertê Heskerdişê Dîyarbekirî

Karalogluyî “ Şertê peywendîyêko xêz ma sey xizmetdayiş û û heskerdişê şarî vînenê” vat û bade nuşteyê xo wina domna: “Dîyarbekir de rekorê sermayegozarîye heme deman yeno şikitiş, şîrket û kergehê newe yeno akerdiş Ez bawera ke dema ke dest pêkerdo, Qerejdaxî ra hetanî Hewselî, Sûrî ra hetanî Çinarî, Eshabê Kehfî ra hetanî Pîr Ezîzî, esnafê FarqîNî ra hetanî citkarê Pîranî heme hemwelatijan pê xizmetan bêro piştiş , ewro do vîzêr ra weştir bo. Înşallah dîyarbekirijan do potansîyel3e bajarî xo reyde bêro têhet.”

“Keremke” şima paweno

Serekîya Dayîreyê Çapamenî û Têkîlîyê Şarî ya Şaredarî hedef keno ke mabênê 1 û 5ê her aşme bültene şaredarî ya “Keremke” çap bikero.