Şaredarîya Bajarê Girdî ya Dîyarbekirî qedexeyê tebervejîyayişî yo 17 rojane sey firsendêko pîl vîneno û her hetê bajarî de xebatanê xo domneno. Ekîbê şaredarî çatre û rayîranê tol de xebata serrastkerdişî domneno.

Xebatanê serrastkerdişê rayîr û çatreyan ke Serekîya Dayîreyê Viraştişê Rayîr û Kontrolkerdişê Binawanîye û Serekîya Dayîreyê Resî dabî dest pêkerdene pê hewayêko serkewte dewom keno.

Ekîbê şaredarî rayîranê ke qedexeyê tebervejîyayişî ver tol menda de xebatanê xo bê mabên domneno.

Çatreyêyê fetleyin ya Seyrantepeyî bêro wedaritene

Çatreyê Koprulu ya Seyrantepeyî de semedo ke qerebalixê trafîkî kêm bibo çatreyê fetleyin bêro wedaritene û pê serrastkerdişê newe wesayîtan eşkerê şerîtanê xo de bi leze şerê û bêrê.

Cadeyê Ahmet Arîf de zî çatre bêro viraştiş

Nukteyê ke Cadeyê Ahmet Arîf û Bulvarê Elazîzî girêdayîyê refuj padayayî û hemwelatîyan nêeşkenê kar bîyarê o semed çatre de serrastkerdiş bêro viraştiş û barê ci bêro sivik kerdene.

Xebatan qedexe de bêro temomkerdiş

Xebata vîyarteyê ser û binê çatreyê Seyrantepe pê hewayêko trafîkî rê akerde ewro dest pê kerd û hemwelatê ke rayîrê hemzemî tercîh kenê ganî rayîranê alternatîf kar bîyaro. Cadeyê Ahmet Arıf de zî xebat pê hewayêko trafîkî rê akerde dewom bikero.

Xebatanê ke Çatreyê Seyrantepe û Cadeyê Ahmet Arîf de dest pêkerdo mabenê qedexeyê tebervejîyayişî de bêro temomkerdiş.