Şaredarîya Amedî ya Şaristanê Girdî, kurs û atolyeyanê bêpereyan de ke akerdê, wendekarî seba ceribnayîşê qabilîyetî yê unîversîteyan amade kena.

Serekîya Daîreya Xizmetê Sosyalî, çarçewaya perwerdeyê meslegî de kurs û atolyeyanê resimî yê bêpereyan de ke akerdê, hetkarî dana ciwananê, ke xo seba ceribnayîşê qabilîyetî yê unîversîteyan amade kenê.

Kurs û atolyeyan de, wendekarê ke xo seba beşê resim-mamosteyîya resimî û beşê resimî yê fakulteya huneran yê unîversîteyan amade kenê, bi tempoyo berz perwerde gênê.

Kurs mîyanê hewteyî de her roje

Omer Ugusî ke mamosteyê kursî ra yew o û dîyar kerd ke ê wendekarî seba ceribnayîşê qabilîyetî amade kenê û va ke wendekarî mîyanê hefteyî ded her roje saete 08.00 de dest bi derse kenê û heta saete 17.00î xebitîyenê.

Ugusî dîyar kerd ke prosesê amadekerdişê ceribnayîşan, wendekarî ra heta kewtişê ceribnayîşan, badê ke ceribnayîşan ra vîyarenê û hetanî ke dest bi unîversîte kenê, xizmetê rehberî dîyeno înan. Ey va ke ê hêvî kenê ke wendekarî bi perwerdeyê ke gênê, do unîversîteyanê tewr başan yê Tirkîya de ca bigîrê.

Hedefê wendekaran unîversîte de cagirewtiş o

Melek Mumcu ke kursanê bêpereyan ê ceribnayîşê qabilîyetî ra îstîfade kena, va ke qijkêkîya xo ra eleqeya aye bi resimî est a, dewreyê qedexeyan ê koronavîrusî de keye de şîfadayîşê resimî û hunerî şinasnayo û qerar dayo ke hunerê resimî bikero meslegê xo.

Mumcu îfade kerd ke a zerrîweş a ke Şaredarîya Amedî ya Şaristanê Girdî binyeyê xo de kursî akerdî û a zî gêna, û ard ziwan ke a bi zanayîşê ke kursî ra girewto, hedef kena ke unîversîte de ca bigîro.