Şaredarîya Bajarê Girdî ya Dîyarbekirî serra 2021 de seraya xo de 3 mîlyon û 500 hezar vilê hamnan û zimistonî resna û cîya-cîya çatre, refüj û parkan de ronayî.

Şareadrîya Girdî serra 2021 de çarçiwa xebata zergûnînan de ronayişê daran ra bigîrê serrastkerdişê dorûverî ya parkan xeylê xebatan ard ca.

Serekîya Dayîreyê Park Baxçe û Cayanê Zergûnînan ya Şaredarîya Girdî serra 2021 de aşmî zimistonî de 1 mîlyon û 500 hezar vilê zimistonî û aşmî amnonî de 2 mîlyon vilê hamnanî resna û hem merkeze bajarî de hem qezayan di nê vilî ronayî. Sewbînan tax û dewan de zî 67 hezar darî ronîya.

Terasê Fîskaya newera virazîya

Şaredarîya Girdî Terasê Fîskaya newera viraşt û çarçiwa xebatan di Ekîbê Park û Baxçeyan tîya de xebata peyzaj û zergûnkerdişî viraşt.

Semedê bajarêko hîna zergûn Daristanê Bire

Serekîya Dayîreyê Park Baxçe û Cayanê Zergûnînan ya Şaredarî semedê bajarêko hîna zergûn bi wesîleya serrgera 1382ine Fetihê Dîyarbekirî Koyê Qirxlarî de daristanê bîre viraşt.

Birca Bize bî cayê senet û kulturî

Serekîya Dayîreyê Park Baxçe û Cayanê Zergûnînan ya Şaredarî Birca Bize ya ke hetê turîzmî û tarîxî cayêko zaf girîng der o newera faal bikero xebata peyzajî viraşt û tîyatroyê amfi ame awankerdiş.

Şikeftê Eshab-î Kehf û Tirba Pîr Azîz ame newekerdiş

Serekîya Dayîreyê Park Baxçe û Cayanê Zergûnînan ya Şaredarî semedo ke hemwelatîyan Şikeftê Eshab-î Kehf û Tirba Pîr Azîz hîna rehet ziyaret bikerê xebata serrastkerdişê dorûverî viraşt.

Xebatanê ke Kelaya Gêlî û Qilê Zîyaretî de dîyabi dest Pêkerdiş zî bê mîyan dewom kena.

Semedê ciwanan kamp

Serekîya Dayîreyê Park Baxçe û Cayanê Zergûnînan ya Şaredarî qezaya Pîranî kişta Awbenda Dîcle de 180 donim ca ser o lojmanê DSİ semedê ciwanan çarneno cayê Kampê Ciwanan.

Şaredarî hedef kena ke serra 2021 de xebatanê xo biqedîno û kampê ciwanan abikero.

Çatreyê Teyaregehî ya Yonca ame raştkerdiş

Serekîya Dayîreyê Park Baxçe û Cayanê Zergûnînan ya Şaredarî, Çatreyê Teyaregehî ya Yonca yo ke 195 hezar metrekare yo û raywanê ke teber ra yenî ewilî tîya vînenê, çarçiwa xebata raştkerdişî de 27 tewir de 3 hezar û 500 dare û 55 hezar şitil rona û 120 metrekare de zî zirç ravist.

Qezayan de Baxçeyê Şarî yenê awankerdiş

Serekîya Dayîreyê Park Baxçe û Cayanê Zergûnînan ya Şaredarî, semedo ke hemwelatîyan teber de keyeyanê xo reyde wextê xo hîna weş biveynê û tewrê aktîvîteyan bibê qezayê Bismıl,Hezro û Pîran de awankerdişê Baxçeyê Şarî domneno.

Peyas de parke newe ame awankerdiş

Serekîya Dayîreyê Park Baxçe û Cayanê Zergûnînan ya Şaredarî, semedê ke cayê zergûnînan bizednê qezaya Peyasî mintiqa 500 Evler de 6 hezar metrekareyin ca de park awan kerd.

Farqîn de Meydanê Suke virazîyeno

Serekîya Dayîreyê Park Baxçe û Cayanê Zergûnînan ya Şaredarî, semedo ke qezayan de zî hemwelatîyan teber de keyeyanê xo reyde wextê xo hîna weş biveynê û tewrê aktîvîteyan bibê 8 ehzar û 300 metrekareyin ca ser o Meydanê Suke awan kena.

22 hezar û 152 darî terişnayî

Ekîbê Serekîya Dayîreyê Park Baxçe û Cayanê Zergûnînan ya Şaredarî, serra 2021 de 22 hezar û 152 darî û 281 hezar û 150 şitilî terişnayî. 100 metrekare ca de zirç çînîya û 327 hezar û 350 metrekare ca de zî vaşan pak kerd.

Ekîban montajê 1512 banqê roniştişî, 803 masaya seyranî, 112 kamelyayî û 507 qutîyê çopî viraşt.

Ekîban GelÎya Dîcle, Parkê Newrozî,Parkê Berê Merdînî, Parkê 10 Temmuze, Çatreyê Teyaregehî, Baxçeyê Şarî, Cuya Muştereq ya Sumerparqî, Parkê Koşîyolî, Meydanê Suke û Tirba Pîr Azîz de zî xebata roşnîkerdişî viraşt.