Şaredarîya Bajarê Girdî ya Dîyarbekirî mîyanê bajarî û teberê bajarî de vera mês û melşeyan xebate dabî dest pêkerdiş û ekîbê dermankerdişî xebatanê xo bê mabên domneno.

Serekîya Dayîreyê Karanê Weşî ya Şaredarîya girdi mîyanê bajarî û teberê bajarî de vera mês û melşeyan pê 312 xebatkar û 65 wesayît û pê dermananê hetê Rêxistine Weşî ya Dîna testîq kerde yo, xebatanê dermankerdişî dab3ı dest pêkerdene û xebatê ekîban bê mabên dewom keno.

Ekîbê Şaredarîya Bajarê Girdî hem mabenê bajarî de hem zî taxanê teberê bajarî de cayê sey park, cêrzemîn, cayê eşteyan, axor û qenalan de xebata dermankerdişî kenê.

Lîçê awe û kanalîzasyonî ra peyda benê

Serekê Dayîreyê Karanê Weşî ya şareadrî Kasım Aydın derheqê xebatanê dermankerdişî de aşkerayîyêk viraşt û Aydınî bal ont ke meş û melşeyan bitaybetî baxçeyê sîteyan, lîçê awe û kaanlîzasyonan ra peyda bene o semed ma ganî nê cayan de hînî balkeş bîme. Aydınî ard ziwanê xo ser ke şuxulnayişê dermanan semede xozayî çîyêko zaf weş nîyo û o semed şareadrî hedef kene ke meş û melşeyan cayanê ke peyda beno de çîn bikerê.

Mucadeleyê ma 12 aşmî bê mabên dewom keno

Aydınî bal ont germbîyayişê hewayî û vurîyayişê îklîman û wina vat: “Ma zaneme ke heywananê sey meş û melşeyan psîkolojîyê hemwelatîyan xirab keno.Saetanê şewe û sere sibayî vejîno werte û nmerdiman gaz nêkenê. Labelê hetê psîkolojîkî merdiman miraz kenê. Ma do xebata dermankerdişî 12 aşmî bê mabên bidomnê.