Şaredarîya Bajarê Girdî ya Dîyarbekirî semedo ke potansîyelê turizme ya bajarî ma bivejo werte şewe û roje xebetiyeno. Netîceyê xebata şaredarî Çirra Fîskaya newera çirreno.

Walîyê Dîyarbekirî Munır Karalogluyî medyaya komelkî ser o mijdan dayebi ke semedo ke Çirra Fîskaya newera biçirre xebatan Bêro viraştiş. Naye ser o Çirra Fîskaya de xebatan dest pê kerd.

Binê Çirra Fîskaya mintiqa sîte yo aye ra DîskÎ xebatanê xo pê hîstenîkîyê viraşt. Midurîyê Pêroyî yê Îdareyê Awe û Kanalîzasyonî ya Şaredarî xebatanê xo qedînay. Ekîbê Dîskî 85 ton awe ke hewze depokerdişî de pê pompayê 80 lt/sn dewrê Çira Fîskaya kerde.

Walî Munır Karaloglu derheqê xebatan di agahî da û wina vat : “Çirra Fîskaya newera çirreno. Ma semedo ke her erje û dewlemendîyê bajarî ma sey serranê kehen bivejo werte ma şewe û roje xebetiyenî ma do bixebitê. Xeyrin bo.”

Terasê ewnîyayişî zî yeno newekerdiş

Serekîya Dayîreyê Îmar û Bajarvanîye Şaredarî semede Terasê Ewnîyayişî zî proje hadre kerd û proje hetê Lijneyê Pawitişê Estene Kulturî ya Dîyarbekirî ame tastîqkerdiş.

Çarçiwa proje de Serekîya Dayîreyê Park, Baxçe û Cayanê Zergûnînan ya şareadrî do terasê ewnîyayişî newe bikero.