Şaredarîya Bajarê Girdî ya Dîyarbekirî semede gedeyanê ke keyeyanê înan destteng ê, tehtîl serrast keno.

Serekîya Dayîreyê Xizmetanê Ciwan û Sporî ya Şaredarîya Bajarê Girdî ya Dîyarbekirî semedê gedeyanê dezavantajînan 21ê Hezîrane de qezaya Xarpêt taxa Gezîn de Kampê Amnonî ya gedeyan akeno.

Kampê Amnonî ya Gedeyan Xarpêt nehiyeya Gezîn de ca gêno û vîrusê korona ver padîyaybi aye ra Şaredarîya Bajarê Girdî ya Dîyarbekirî uca de xebata raştkerdişî viraşt.

Ekîbê şareadrî, kontyeyner, wc û aşxaneyê kampe de xebat raştkerdişî viraştê û semedê gedeyan hadre kerdê.

Qeydê Kampê Amnonî ya Gedeyan dest pê kerd

Gedeyê dezavantajînan ke emre înan mabênê 9-18 serrî de yê eşkenê qeydê xo bivirazê.Her gede 5 roj eşkenê kampe amnonî ra îstîfade bikerê.Gedeyê ke wazenê qeydê xo bivirazê keyeyanê xo reyde banê Zanayişî, Akademî Lîse û Cuya Muştereq ya Suymerparqî Serekîya Dayîreyê Xizmetanê Ciwan û Sporî de qeydê xo bivirazê.

Kampê Amnonî ra do 1200 gedeyî tira feyde bivîne

Şaredarîya Bajarê Girdî ya Dîyarbekirî semedo ke hem gedeyî boya xo veradê hem zî hetê kabiliyet û zanayiş de aver şêrê pê beşdarîyê 1200 gedeyî 9 hewte dewom bikero.

Perwerdekaranê pîspor gedeyî rê derheqê erjeyê milî û manewî, atölyeye resîm, govend, muzîk,drama û sinema de perwerde bide gedeyan.

Sewbînan semedo ke gedeyan hetê fîzîkî aver şêrê her roj saetanê belî de perwerdeyê asnawî, fitbol, basketbol,satranç û voleybolî bêrê viraştiş.

Gedeyî do asnawî bimuse

Gedeyî kampê amnonî de asnawî bimusê. Wexto ke gedeyan xo honze de asnaw kerdené momosteyê asnawi û ganxelskeran zi verê gede yan de bi. Perwerdekaran do gedeyan sey kesanê ke asnaw3ı zanenê û Nêzanenê cêra di grûban bikerê.

Serekîya Dayîreyê Xizmetanê Ciwan û Sporî ya Şaredarî do semedo ke gedeyî hîstenîkîye xoz bimuse Gole Hazar de gêyrayîşan zî serrast bikero.

Werdê gedeyî do dîyetîsyenan hadre bikero

Şaredarî do Kampê Amnonî ya gedeyan de her roj çar rey werd bide gedeyan.lîsteyê werdê gedeyan zî dîyetîsyenan bivirazê.

Semedo wezîyeto lezgîn 24 saet personelê weşîye do wezîfe bikerê.

Her grubê gedeyan rê adirê kampî

Her hewte 100 gedeyî do kampê amnonî ra îstîfade bikerê û pê qedîyayişê kampe her grubê adirê kampî bêro veşnayiş û gedeyî do pê govendan mirda xo keyf bikerî.

Serekîya Dayîreyê Resî ya şiareadrîya girDî do gedeyî pê wesayîtê şaredarî biresê cayê kampî.

Kampê Amnonî ya Gedeyan Tesîsê Sosyal ya Şareadrî de hetanî 10ê Îlone dewom bikero.