Şaredarîya Bajarê Girdî ya Dîyarbekirî 18 cîya branş de mektebê sporî ya amnonî akerd. Gedeyî ke emre înan mabênê 8-14 serrî yê eşkenê bê pere îstîfade bikerî.

Serekîya Dayîreyê Xizmetanê Ciwan û Sporî ya Şaredarîya Girdî semedo ke piştî bide averşîyayişê fîzîkî û komelkî ya gedeyan û wa gedeyî tehtîlê amnonî hîna weş biveynê mektebe sporî ya amnonî akerd.

Gedeyî branşanê atletizm,asnawî,fitbol,basketbol,voleybol,tenîsê kortî, karete, kickoks,taekwondo, guleş,dart,setranç, judo tenis, badminton, hokeyê zirçî, jimnastik û hokey de 46 salon,tesis û seha de pê 143 perwerdekarî kursê sporî ya Bêpere gênê.

Şaredarî hedef kena ke 50 hezar gedeyî tira îstîfade bikerî

Mektebê sporî ya amnonî ra hetanî nika 10 hezar gedeyî îstîfade kerd û şaredarî hedef kena ke 50 hezar gedeyî tira îstîfade bikerî.

Qeydê mektebe sporî do hetanî pêynîya amnonî dewom bikero.Hemwelatîyan eşkenê malperê Şaredarîye ser o yan zî Midurîya Sporî ya ke Kompleksê Sporî ya Talaytepe de ca gêno, qeydê xo bivirazê.

Hemwelatîyan derheqê kursan de Santral : 0412 229 48 80 DaxîLî : 4405 ser o agahî bigîrê.