Şaredarîya Bajarê Girdî ya Dîyarbekirî wa semedo ke Îstasyonê Arêkerdiş û Terfî yê Xeşa ya Erxenî hîna weş bixebite sîstemê pompayî vurna.

Midurîyê Pêroyî ya Awe û Îdareyê Kanalîzasyonî ya Şaredarîya Girdî îstasyonê arêkerdişê awe ya Erxenî de wa semedo ke vere arizayan bigîro û arizayan hîna zêde peyda mebo sîstemê pompayî vurna û sîstemê pompa ya awjen awan kerd.

Îstasyonê Terfî û Arêkerdişê Awe ya Xeşa se ra 40 îxtîyacîyê awe ya qezaya Erxenî vîneno aye ra semedo ke wa tesis hîna weş bixebite sîstemê pompayî vurîya.

Midurê Pêroyî ya Dîskî Fırat Tutşi xebatan ca de sehna û derheqê xebatan di wina vat : “Endî qezaya Erxenî de xizmetê awe hîna rehet bibo. Ma îstasyonê terfi arêkerdişê awe ya qezaya hîna hêzdar kenî ke bê mabên xizmetê awe bideme şarî.”