Îtfaîyakarê ke bine banê Şaredarîya Bajarê Girdî ya Dîyarbekirî de xebetiyenî, 7/25 wezîfeyê xo pê fedakarî anê ca.

ÎtfaÎyekaran erdlerz, şewat, qeza û xeylê serebûtan de semedo ke ganê hemwelatijan bixelsene pê fedakarî xebetiyenî.

Îtfaîyekaran her saete roje de seba wezîfe hadre yo û semedo ke wezîfeyê xo hîna weş bîyarê ca perwerdeyan gênê.

75 îtfaîyekarê newe

ÎtfaÎyekar Ibrahım Halıl Kaya da zanayene ke îtfaîyekara serebûtan de ganê xo feda kenî û semedo ke hem malê hemwelatîyan hem zî ganê hemwelatîyan hîna zêde zerar mevîno xebetiyenî û Kayayî bade wina vat : “Ma dema ke keyfweşîyê hemwelatîyan vînenê ne betilîyayiş ney zî ters maneno.”

Ma ganê xo kene sîper

Îtfaîyekar Yakup Çopkuro ke newe dest pê xebate kerdo, da zanayene ke her roje perwerde gêno û teberê perwerdeyan de zî aktîvîteyê cîya-cîyayan virazeno.Çopkur : “Ma semedê ke hem weşîya şarî hem zî ganê hemwelatîyan bipawê çi dest m ara yen oma texsîr nêkenê. Gegane şewaten de hemwelatîyan mexsur manenê û ma ganê xo kene sîper û dekewenê mabênê adiran û keyfweşîye en gird seba ma xelaskerdişê ganê hemwelatê ma yo.”

Arıf Durako ke 12 serrî yo wezîfe keno da zanyene ke heme îtfaîyekaran bi yew rih xebetiyenî û “EDÎRNE RA Karsî,Sînop ra Kılısî ma heme îtfaîyekaran yew ekîbêk ê” vat.

Durak da zanayene ke wezîfeyê înan ewilî pawitişê ganê hemwelatîyan o :” Ma se ke serebûtan de awirê hemwelatîyan bihevî vînenê motife bene.”