Midûriyeta Îtfaiye ya Şaredariya Bajarê Mezin a Amedê, li 17 navçeyan li 51 dibistanan dê ji bo 2 hezar û 500 xwendekarî perwerdeyê bide.

Ekîbên Midûriyeta Îtfaiyê li dibistanan li ser vemirandina agir û şewatê dest bi perwerdeya pratîk kirin. Di çarçoveya projeya ku dê di navbera 14ê Gulanê û 14ê Hezîranê de berdewam bike de, li 17 navçeyan her yek ji wan li 51 dibistanan 2 hezar û 500 xwendekar dê bên perwerdekirin.

Rawestgeha yekem a Beşê Dibistana Seretayî û Navîn a Ziya Gökalp a navçeya Sûrê bû. Ekîban ewil kontrol kirin ku der barê şewata li dibistanê de tedbîrên pêwîst hatine girtin an na. Piştre bi xwendekaran re li baxçeyê dibistanê kom bûn û li ser vemirandina êgir perwerdeya pratîkî da.

Xwendekar ji şewatê haydar dibin

Ji xwendekarên perwerdehiyê re; Der barê erkên îtfaiyeyê, pirsgirêkên hawarçûnê, cil û berg, alav û malzemeyên di vemirandina agirî de tên bikaranîn û cureyên şewatê de agahiyên teorîk û pratîk hatin dayîn. Ji xwendekaran re der barê tedbîr û bergiriyên ku ji bo şewat dernekevin de agahî hatin dayîn.

Midûriyeta Îtfaiyê bi armanca ku ciwan li hemberî şewatê hestiyar û hişyar bibin, wê di meha bê de xebatên xwe yên perwerdehiyê li dibistanan bidomîne.